ནམ་མཁའི་སྙིང་པོའི་སྒྲུབ་ཐབས།
ཨོཾ་སྭཱ་སྟི། རྒྱལ་སྲས་ཐུགས་རྗེའི་དབང་ཕྱུག་ནི། །ནམ་མཁའི་སྙིང་པོ་ལ་བཏུད་ནས། །ནང་མཚོན་མུ་གེའི་འཇིགས་པ་དག །ཞི་ཕྱིར་ལྷག་པའི་ལྷ་དེ་བསྒྲུབ། །སེམས་བསྐྱེད་སྔོན་དུ་འགྲོ་བས། ཤཱུ་ནྱ་ཏཱས་སྟོང་པར་སྦྱངས། རང་གི་སྙིང་གར་ཁཾ་ཡིག་ཡོངས་སུ་གྱུར་པ་ལས། རང་ཉིད་ནམ་མཁའི་སྙིང་པོ་སྐུ་མདོག་སྔོན་པོ་ན་བཟའ་སྔོན་པོ་ཅན། ཕྱག་གཉིས་ཐུགས་ཀར་ཆོས་འཆད་ཀྱི་ཕྱག་རྒྱ་མཛད་པའི་གཡོན་པས་པདྨའི་རྩ་བ་འཛིན་པ། སྙན་གྱི་ཐད་ཀར་ཁ་བྱེ་བའི་སྟེང་ན་རལ་གྲི་སྔོ་སངས་ཅན། ནམ་མཁའི་རང་བཞིན་གྱི་ཁང་བཟང་འོད་ཟེར་སྔོན་པོ་འབར་བའི་དབུས་ན། ཁྲོ་བོ་དབྱུག་སྔོན་སོགས་འཁོར་རིག་འཛིན་མཚོན་ཆ་ཐོགས་པ་མང་པོ་དང༌། རང་གི་སྤྲུལ་པ་ཁ་དོག་སྣ་ཚོགས་ཅན་མང་པོས་བསྐོར་བ། སྤྱན་གྱི་འོད་ཀྱིས་ནམ་མཁའ་ཐམས་ཅད་འོད་དང་དྲི་ཞིམ་པོས་ཁྱབ་པར་མཛད་པ། དར་དང་རིན་པོ་ཆེས་བརྒྱན་པ་ནས། ཐུགས་ཀར་ཧཱུཾ་གི་བར་ཀུན་ཏུ་བཟང་པོའི་སྐབས་དང་འདྲ། ཨོཾ་སྭཱ་སྟི་ཀ་མ་ལཱཀྵི། བི་པུ་ལ། སཾ་བྷ་ཝ། དྷརྨ་དྷཱ་ཏུ། གོ་ཙ་རེ་སྭཱཧཱ། ཞེས་ཅི་ནུས་སུ་བཟླའོ། །རྗེས་ཀྱི་བྱ་བ་དང༌། ཐུན་མཚམས་ཀྱང་ཀུན་ཏུ་བཟང་པོའི་སྐབས་དང་འདྲ་བ་ལས། ནམ་མཁའི་སྙིང་པོའི་མཚན་བརྒྱ་རྩ་ཀློག་པ་ཉིད་ཁྱད་པར་རོ། །འདིའི་བཟླས་ལུང་འབོགས་ཚུལ་ནི། འོད་དཔག་མེད་ཀྱི་སྒྲུབ་ཐབས་སུ་བཤད་པ་དང་འདྲའོ། །ཉེས་ལྟུང་
ཀུན༵་ནས་དག་མཛད་པའི། །ཡི་དམ་འདི་འདྲ་མཆོག་ཏུ་དག༵འ། །མཚན་བརྒྱའི་མན་ངག་སྙིང༵་པོ༵་ནི། །ཟུར་དུ་བཀོལ་བ་འདི་ཙམ་ཡིན། །པཎྜི་ཏ་གང་བའི་རྡོ་རྗེའི་གསུང་ལས་བྱུང་བ། ཤཱཀྱ་རཀྵི་ཏའི་མན་ངག་འཕགས་པ་ནམ་མཁའི་སྙིང་པོའི་སྒྲུབ་ཐབས་ཀྱི་ལེན་ཚན་ནོ།། །།དར་རྒྱས་འཕེལ། །