འཕགས་པ་ཡེ་གེ་དྲུག་པའི་སྒྲུབ་ཐབས་ལྷན་སྐྱེས་རོལ་པའི་ལུགས།

འཕགས་པ་ཡེ་གེ་དྲུག་པའི་སྒྲུབ་ཐབས་ལྷན་སྐྱེས་རོལ་པའི་ལུགས་ནི། པད་ཟླའི་སྟེང་དུ་ཧྲཱིཿལས། དབུས་སུ་རང་ཉིད་འཕགས་པ་སྤྱན་རས་གཟིགས་གཡས་གཡོན་དུ་སྐད་ཅིག་གིས་གྲུབ་པའི་ཚུལ་གྱིས། སྲས་ནོར་བུ་འཛིན་པ་དང༌། ཡུམ་ཡི་གེ་དྲུག་མ་སྟེ་གསུམ་ཀར་ཡང་སྐུ་མདོག་དཀར་པོ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་འཕྲེང་བ་དང༌། གཡོན་འོག་མས་པདྨ་འཛིན་པ། སོ་སོར་པད་ཟླའི་གདན་རེ་རེ་ལ་རྡོ་རྗེའི་སྐྱིལ་ཀྲུང་གིས་བཞུགས་པ། རིགས་བདག་ནི་འོད་དཔག་མེད་དོ། །སྔགས་ནི། ཨོཾ་མ་ཎི་པདྨེ་ཧཱུཾ།། །།