འཆི་བ་བླུ་བའི་སྒྲོལ་མའམ་སྒྲོལ་དཀར་ཡིད་བཞིན་འཁོར་ལོ།
འཆི་བ་བླུ་བའི་སྒྲོལ་མའམ། སྒྲོལ་དཀར་ཡིད་བཞིན་འཁོར་ལོ་ནི། པད་དཀར་ཟླ་བའི་གདན་ལ། ཏཱཾ་ལས་རང་ཉིད་སྒྲོལ་མ་དཀར་མོ། ཕྱག་གཡས་མཆོག་སྦྱིན་དང༌། གཡོན་ཨུཏྤལ་དཀར་པོའི་སྡོང་བུ་འཛིན་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དབུ་རྒྱན་ནི་བ་རིའི་ལུགས་འདི་ལ་འོད་དཔག་མེད་ཡིན་ལ། སྔགས་ནི་ཡི་གེ་བཅུ་པ་ཉིད་དོ། །སྤེལ་ཚིག་སྦྱོར་ན། ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུར་པུཎྱེ་ཛྙཱ་ན་པུཥྟིཾ་ཀུ་རུ་སྭཱཧཱ། འོག་ནས་འབྱུང་བ་རྡོ་རྗེ་སྒྲོལ་མའི་སྒྲུབ་ཐབས་ཀྱང་སྐབས་འདིར་བླངས་ཏེ་རྗེས་གནང་བྱས་ན་ཤིན་ཏུ་ལེགས་ལ། ཐ་མར་འབྱུང་བའི་
སྒྲོལ་དཀར་ཞལ་གསུམ་ཕྱག་དྲུག་པ་ནི་སྐབས་འདིར་བླངས་ན་ལེགས་མོད་ཀྱང༌། འཇུག་གི་རྟེན་འབྲེལ་བཀྲ་ལེགས་པའི་ཕྱིར་དུ། ཐམས་ཅད་ཀྱི་ཐ་མར་མཛད་པ་ཉིད་ལག་ལེན་ཡིན་ནོ། །སྐབས་འདིར་སྒྲོལ་མའི་སྡེ་ཚན་དེ་ཙམ་ཞིག་ཡིན་ལ། སྤྱིར་ཀུ་ལུ་ཀུལླེ་དང༌། ཁྲོ་གཉེར་ཅན་མ་དང༌། རལ་གཅིག་མ་སོགས་ཀྱང་སྒྲོལ་མའི་རིགས་སུ་འདོད་ཅིང༌། སྒྲོལ་མའི་ཕྱོགས་གཏོགས་ཐམས་ཅད་ཀྱང་སྤྱན་རས་གཟིགས་ཀྱི་རིགས་ཀྱི་རྗེས་འབྲང་གི་སྡེ་ཚན་ནོ།། །།