རྡོ་རྗེ་གུར་ལས་འབྱུང་བ་ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

རྡོ་རྗེ་གུར་ལས་འབྱུང་བ་ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས་ནི། པད་དཀར་ཟླ་བའི་གདན་ལ། ཨཾ་ལས་རང་ཉིད་ཤེར་ཕྱིན་དཀར་མོ་ཕྱག་གཉིས་ཆོས་འཆད་ཀྱི་ཕྱག་རྒྱ་མཛད་པ། གཞུང་གི་དངོས་བསྟན་ལྟར་ན་ཆོས་འཆད་ཁོ་ནས་གཡས་ན་པདྨ་དམར་པོ་དང༌། གཡོན་ན་པོ་ཏི་བསྣམས་པ་ཡིན་ལ། མན་ངག་ལྟར་ན། ཕྱག་མཐིལ་ལས་

---

^{[མ་དཔེ་གཟིགས་ན་འདིར་གནོན།]}

གྱེས་པའི་གཡས་སུ་པད་དཀར་དང༌། གཡོན་དུ་པད་དམར་སྙན་གྱི་ཐད་ཀར་ཁ་ཕྱེ་བའི་སྟེང་ན་ཤེར་ཕྱིན་གྱི་པོ་ཏི་རེ་དང་བཅས་པ་རྡོ་རྗེའི་སྐྱིལ་ཀྲུང་གིས་བཞུགས་པ། རིགས་བདག་ནི་མི་སྐྱོད་པའོ། །སྔགས་ནི། ཨོཾ་པི་ཙུ་པི་ཙུ་པྲཛྙཱ་ཝརྡྷ་ནི། ཛྭ་ལ་ཛྭ་ལ་མེ་དྷ་ཝརྡྷ་ནི། དྷི་རི་དྷི་རི་བུདྡྷི་ཝརྡྷ་ནི་སྭཱཧཱ། བསྟོད་པ་ནི། སྨྲ་བསམ་བརྗོད་མེད་སོགས་ཏེ། ཤེར་ཕྱིན་གྱི་སྒྲུབ་ཐབས་འོག་མ་རྣམས་ལའང་རིགས་འགྲེའོ།། །།