གཙུག་ཏོར་རྣམ་པར་རྒྱལ་མའི་སྒྲུབ་ཐབས།

གཙུག་ཏོར་རྣམ་པར་རྒྱལ་མའི་སྒྲུབ་ཐབས་ནི། པད་ཟླ་ལ་བྷྲཱུཾ་ལས། རང་ཉིད་རྣམ་པར་རྒྱལ་མ་སྐུ་མདོག་དཀར་མོ། དཀར་སེར་སྔོ་བའི་ཞལ་གསུམ། གཡོན་ཞལ་ཡིད་ཙམ་ཁྲོ་བ། ཞལ་རེ་རེ་ལ་ཞི་བའི་སྤྱན་

གསུམ་གསུམ་དང་ལྡན་པ། ཕྱག་བརྒྱད་ཀྱི་གཡས་རྣམས་ན། སྣ་ཚོགས་རྡོ་རྗེ། སངས་རྒྱས་ཀྱི་སྐུ་གཟུགས་པདྨ་ལ་གནས་པ། མདའ། མཆོག་སྦྱིན། གཡོན་པ་རྣམས་ཀྱིས་གཞུ། ཞགས་པ་དང་བཅས་པའི་སྡིགས་མཛུབ། སྐྱབས་སྦྱིན། བདུད་རྩིས་གང་བའི་བུམ་པ་ཐུགས་ཀར་གཏོད་པ་རྣམས་སོ། །མཆོད་རྟེན་གྱི་ནང་དུ་པད་ཟླ་ལ་རྡོ་རྗེའི་སྐྱིལ་ཀྲུང་གིས་བཞུགས་པ། རིགས་བདག་ནི་རྣམ་སྣང་ངོ༌། །སྔགས་ནི། ཨོཾ་བྷྲཱུཾ་སྭཱཧཱ། བསྟོད་པ་ནི། དཔལ་ལྡན་ལྷ་མོ་སྟོན་ཀའི་ཟླ་བའི་མདོག།སོགས་སོ།། །།