ཆུ་གཏོར་ཤིན་ཏུ་བསྡུས་པ་ཉམས་སུ་བླང་བའི་ཐབས་ཡིད་བཞིན་སྙིང་པོ།
ཆུ་གཏོར་ཤིན་ཏུ་བསྡུས་པ་ཉམས་སུ་བླང་བའི་ཐབས་ཡིད་བཞིན་སྙིང་པོ་ཅེས་བྱ་བ་བཞུགས་སོ། །
ན་མོ་གུ་རུ། ཆུ་གཏོར་གྱི་རིམ་པ་ཤིན་ཏུ་བསྡུས་པ་ལ་སྤྲོ་ན། གཏོར་རྫས་རྣམས་ལེགས་པར་བཤམས་ལ་དང་པོ་སྐྱབས་སེམས་ཡན་ལག་བདུན་པ་ནི། ན་མོ། སངས་རྒྱས་ཀུན་གཙོ་བླ་མ་ལ། །བདག་སོགས་རྟག་པར་སྐྱབས་སུ་མཆི། །མཁའ་ཁྱབ་འགྲོ་ལ་ཕན་ཕྱིར་དུ། །བྱང་ཆུབ་སེམས་མཆོག་བསྐྱེད་པར་བགྱི། །གུས་པས་ཕྱག་འཚལ་མཆོད་པ་འབུལ། །སྡིག་བཤགས་དགེ་ལ་ཡི་རང་ངོ་། །མྱ་ངན་མི་འདའ་ཆོས་འཁོར་བསྐུལ། །དགེ་ཀུན་བྱང་ཆུབ་ཕྱིར་བསྔོའོ། །གནས་དང་བདག་དང་མཆོད་རྫས་བྱིན་གྱིས་བརླབས་པ་ནི།
ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿ སྭ་བྷཱ་ཝཱ་ཤུདྡྷ྅ཧཾ། ས་གཞི་གནས་ཁང་རིན་ཆེན་གྱི། །བསྐྱེད་ཚལ་གཞལ་ཡས་ཉམས་དགའ་བར། །བདག་ཉིད་འཕགས་མཆོག་མཛེས་འཛུམ་དཀར། །མཆོད་སྦྱིན་མེ་ཏོག་ལོངས་སྐུའི་ཚུལ། །རིགས་བདག་སྣང་མཐའི་དབུ་རྒྱན་ཅིང་། །སྟོང་གསལ་འཇའ་འོད་སྐུར་བཞུགས་གྱུར། །ཨོཾ་མ་ི་པདྨེ་ཧཱུྃ། རྃ་ཡྃ་ཁྃ་ཨོཾ་ཨཱཿཧཱུྃ། ཏིང་འཛིན་སྨོན་ལམ་ལས་གྲུབ་པའི། །ཀུན་ཏུ་བཟང་པོའི་མཆོད་པའི་སྤྲིན། །ནམ་མཁའ་རབ་འབྱམས་ཡོངས་ཁྱབ་ཅིང་། །
ཟག་མེད་རྒྱལ་བ་མཉེས་པར་གྱུར། ན་མཿསརྦ་ཏ་ཐཱ་ག་ཏེ། བྷྱོ་བི་ཤྭ་མུ་ཁེ་བྷྱཿསརྦ་ཐ་ཁཾ་ཨུདྒ་ཏེ། སྥ་ར་་ཨི་མཾ་ག་ག་ན་ཁཾ་གྲྀ་ཧྞེེྞ་དཾ་བ་ལྱཱ་དི་སྭཱ་ཧཱ། མགྲོན་སྤྱན་དྲངས་ཤིང་ཁྲུས་གསོལ་མཆོད་འབུལ་ནི། བདག་གི་ཐུགས་ཀའི་འོད་ཟེར་གྱིས། །དཀོན་མཆོག་སྲི་ཞུ་ཡོན་ཏན་དང་། །རིས་དྲུག་བགེགས་རིགས་ལན་ཆགས་སོགས། །མགྲོན་ཀུན་སྤྱན་དྲངས་བཞུགས་པར་གྱུར། །བཛྲ་ས་མཱ་ཛཿཔདྨ་ཀ་མ་ལ་ཡེ་སྟྭཾ། །ཡེ་ཤེས་བདུད་རྩི་དག་པའི་ཆུས། །རྒྱལ་བའི་སྐུ་ལ་ཁྲུས་གསོལ་ཞིང་། །དྲི་མེད་མཆོད་ཚོགས་རྒྱ་མཚོ་ཡིས། །རབ་འབྱམས་རྒྱལ་བ་མཉེས་པར་གྱུར། །ས་པ་རི་ཝ་ར་བཛྲ་ཨརྒྷཾ། པཱ་ཏྱཾ། པུཥྤེ། དྷཱུ་པེ། ཨཱ་ལོ་ཀི། གནྡྷེ། ནཻ་ཝི་དྱ། ཤསྟ་པྲ་ཏཱིཙྪ་ཨཱཿཧཱུྃ། བདག་གིས་དེ་རིང་སྐྱོབ་པ་ཐམས་ཅད་ཀྱི། ཅེས་སོགས་ན། སེམས་ཅན་རྣམས་ལ་བདེ་འབྱོར་ཤོག །ཅེས་པའི་བར་བྱའོ།། ༈ །།དེ་ནས་གཏོར་མ་བརྒྱ་རྩ་བཤམས་ལ། རིམ་པ་ལྟར་རེ་རེ་བཞིན་དུ་བྱིན་བརླབས་དང་གཟུངས་སྔགས་བཟླ་ཞིང་།
བཅུ་ཚན་བཞི་པ་ལ་ཨརྒྷཾ། སོགས་ཀྱི་ཀྱང་མཆོད། །ལྔ་པ་མན་ལ་དེ་བཞིན་གཤེགས་པ་བཞིའི་མཚན་བསྒྲགས་པར་བྱའོ། །དང་པོ་བྱིན་རླབས་ནི། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཨོཾ་སྭཱ་བྷ་ཝ༴ རིན་ཆེན་གཏོར་སྣོད་རྒྱ་ཆེན་དུ། །གཏོར་རྫས་ཡེ་ཤེས་བདུད་རྩིའི་མཆོག །ཅི་འདོད་དགྱེས་པ་སྐོངས་བྱེད་པའི། །འདོད་འབྱུང་ལོངས་སྤྱོད་ཆེན་པོར་གྱུར། །ཨོཾ་ཨཱཿཧཱུྃ། ཅེས་ལན་གཅིག་དང་། ན་མསྶརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ། ཨོཾ་སཾ་བྷཱ་ར་སཾ་བྷཱ་ར་ཧཱུྃ། ལན་བཅུ་རེ་བཟླས། བཅུ་ཚན་དང་པོ་ལ། རྩ་རྒྱུད་བླ་མ་རྒྱལ་བའི་ཚོགས། །སྤྲུལ་འཁོར་བཅས་ལ་མཆོད་བགྱིས་པས། །བདག་སོགས་འགྲོ་བ་མ་ལུས་ལ། །ཐུགས་རྗེས་བྱིན་གྱིས་བརླབ་དུ་གསོལ། གཉིས་པ་ལ། ཡི་དམ་ཞི་ཁྲོ་ཌཀྐིའི་ཚོགས། །ཆོས་སྐྱོངས་བསྲུང་མར་བཅས་ལ་འབུལ། །མཆོག་མཐུན་དངོས་གྲུབ་ཀུན་སྩོལ་ཞིང་། །རྣམ་བཞིའི་ཕྲིན་ལས་གྲུབ་པར་མཛོད། །གསུམ་པ་ནི། །ལྷ་མིའི་དྲང་སྲོང་རིགས་སྔགས་འཆང་། །བདེན་
ཚིག་གྲུབ་པ་རྣམས་ལ་འབུལ། །འཇིག་རྟེན་ཁམས་ཀུན་བདེ་ལེགས་ཀྱི། །ཡོན་ཏན་འབྱུང་བར་མཛད་དུ་གསོལ། །བཞི་པ་ནི། །ནོར་སྐྱོང་དངོས་གྲུབ་སྟེར་བའི་ལྷ། །།།རིགས་སོགས་ཀུན་ལ་འབུལ། །ཆོས་དང་མཐུན་པའི་འདོད་དགུ་ཡིས། །བདག་སོགས་རེ་བ་སྐོང་བར་མཛོད། ལྔ་པ་ནི། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དམ་པ་ལ། །དེ་བཞིན་གཤེགས་པ་སྐུ་འཇམ་ཀླས་ལ། །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཕྱོགས་བཅུའི་འཇིག་རྟེན་ལེགས་སྐྱོང་ཞིང་། །སྟོན་པའི་དམ་ཆོས་བསྲུང་བ་ཡི། །ལྷ་ཀླུ་མཐུ་ལྡན་རྣམས་ལ་འབུལ། །བསྟན་པ་སྐྱོང་བར་མཛད་དུ་གསོལ། །དྲུག་པ་ནི། །སྟོང་གསུམ་འཇིག་རྟེན་བོད་ཁམས་ལ། །དབང་བསྒྱུར་དཀར་ཕྱོགས་སྐྱོང་བའི་རིགས། །གཞི་བདག་གནས་བདག་ཀུན་ལ་འབུལ། །ཆོས་ལྡན་གདོང་གྲོགས་མཛད་དུ་གསོལ། །བདུན་པ་ནི། །སྡེ་བརྒྱད་འབྱུང་པོ་དྲེག་པའི་རིགས། །ནད་བདག་གདོན་བགེགས་མ་ལུས་ཀུན། །གཏོར་མ་བདུད་རྩིས་
ཚིམ་བྱོས་ལ། །གཞན་ལ་གནོད་དང་འཚེ་བ་སྤོང་། བརྒྱད་པ་ནི། འཁོར་བ་ཐོག་མཐའ་མེད་པ་ཡི། །དྲིན་ཅན་རིས་དྲུག་ཕ་མ་ཀུན། །མཆོད་སྦྱིན་ཅི་འདོད་ལོངས་སྤྱོད་ཀྱིས། །ཚིམ་ཞིང་བྱང་ཆུབ་མྱུར་ཐོབ་ཤོག །དགུ་པ་ནི། མ་དག་སེར་སྣའི་ལམ་སྒྲིབ་ཅན།། །བཀྲེས་སྐོམ་ཡི་དྭགས་འགྲོ་བ་ཀུན། །ཅི་འདོད་བཟའ་བཏུང་ལོངས་སྤྱད་ཅིང་། །སྒྲིབ་བྲལ་བདེ་ཆེན་ཐོབ་པར་ཤོག །བཅུ་པ་ནི། ཚེ་རབས་ཀུན་གྱི་ལན་ཆགས་དང་། བུ་ལོན་དཀོར་གྱི་སྒྲིབ་པ་སོགས། །ཅི་མཆིས་སྦྱིན་པ་འདིས་ཁོར་ཏེ། །མ་ལུས་རྫོགས་པའི་བྱང་ཆུབ་ཤོག །དེ་ནས་ལྷག་གཏོར་བཤམས་ལ། བྱིན་གྱིས་བརླབས་ཅིང་། གཟུངས་ཚར་བརྒྱད་དང་མཚན་བསྒྲག་ལ། །བློ་བུར་ལྷགས་དང་ཉམས་ཆུང་གི། །མགྲོན་རིགས་ལྷག་ལ་དབང་བ་རྣམས། །བཤལ་ཆུའི་གཏོར་མ་འདིས་ཚིམ་ནས། །བླ་མེད་གོ་འཕངས་ཐོབ་གྱུར་ཅིག །དེ་ནས་ཆུ་སྦྱིན་ནི། གཏོར་སྣོད་ལྔའམ་གཅིག་རུ་ཆུ་གཙང་སྦྲེངས་ལ་དང་པོར། །འཕགས་པ་
སྤྱན་རས་གཟིགས་དབང་གི། །ཕྱག་ནས་འབེབས་པའི་འོ་རྒྱུན་གྱིས། །ཡི་དྭགས་རྣམས་ནི་ཚིམས་བྱས་ཤིང་། །ཁྲུས་བྱས་རྟག་ཏུ་བསིལ་བར་ཤོག །གཉིས་པ་ནི། ཨོཾ་མ་ི་པདྨེ་ཧཱུྃ། གསུམ་པར། ཨོཾ་ཨཱཿཧྲཱི་ཧཱུྃ། བཞི་པར། ཨོཾ་ཛ་ལ་མི་དཾ་སརྦ་པྲེ་ཏ་བྷྱ་སྭཱ་ཧཱ། ལྔ་པར། རང་ཉིད་མི་འཁྲུག་པ་རུ་གྱུར། ན་མོ་རཏྣ་ཏྲཱ་ཡཱ་ཡ། ཨོཾ་ཀཾ་ཀ་ནི་ཀཾ་ཀ་ནི། རོ་ཙ་ནི་རོ་ཙ་ནི། ཏྲོ་ཊ་ནི་ཏྲོ་ཊ་ནི། ཏྲ་ས་ནི་ཏྲ་ས་ནི། པྲ་ཏི་ཧ་ན་པྲ་ཏི་ཧ་ན། སརྦ་ཀརྨ་པཱ་རོ་ས་རཱ་ི་མེ། སརྦ་སཏྭ་ནཉྩ་སྭཱ་ཧཱ། བདག་གི་བསམ་པའི་སྟོབས་དག་དང་། ཅེས་སོགས་བདེན་ཚིག་བརྗོད། །ཆོས་རྣམས་ཐམས་ཅད་རྒྱུ་ལས་བྱུང་། སོགས་ཀྱི་ཆོས་སྦྱིན་བྱའོ།། ༈ །།དེ་ནས་བཟོད་གསོལ་དང་གཤེགས་གསོལ་བསྔོ་སྨོན་ཤིས་བརྗོད་ནི། །སྔགས་དང་ཏིང་འཛིན་ཡོ་བྱད་ཀྱི། །ལྷག་ཆད་ནོར་འཁྲུལ་ཅི་མཆིས་རྣམས། །མཐོལ་བཤགས་བཟོད་པར་བཞེས་ནས་ཀྱང་། །མགྲོན་རྣམས་རང་རང་གནས་སུ་གཤེགས། །བཛྲ་མུཿསརྦ་བྷཱུ་ཏ་གྷཙྪ། དགེ་བ་འདིས་མཚོན་ཚེ་རབས་ཀྱི། །དགེ་ཀུན་གཅིག་
ཏུ་བསྡོམས་ནས་ནི། །འགྲོ་ཀུན་རྣམ་མཁྱེན་རྒྱུར་བསྔོ་བའི། །སྨོན་ལམ་ཅི་བཏབ་འགྲུབ་གྱུར་ཅིག །བླ་མ་རྒྱལ་བ་སྲས་བཅས་ལ། །མཁའ་འགྲོ་ཆོས་སྲུང་བྱིན་རླབས་ཀྱིས། །བཀྲ་ཤིས་དགེ་ལེགས་ཆར་ཆེན་རྒྱུས། །ཕྱོགས་དུས་ཀུན་དུ་འབབ་པར་ཤོག །ཅེས་པ་འདི་ནི། །གང་ཟག་ཤིན་ཏུ་སྤྲོས་པ་ཆུང་བ་རྣམས་ལ་ཕན་ཕྱིར། །སྣ་ཚོགས་རང་གྲོལ་གྱིས་མཁའ་འགྲོའི་གནས་ཆེན་དཔལ་གྱི་རྒོད་ཚངས་ཕུག་ཏུ་བཀོད་པ་དགེའོ། །བཀྲ་ཤེས་སྩོལ། གཅིག་ཞུད།