འདིར་བཀའ་འབུམ་ནང་གི་བརྡ་དང་སྙན་ངག་སོགས་ཀྱི་འགྲེལ་པ་རྒྱ་ཆེར་བཤད་པ།
འདིར་བཀའ་འབུམ་ནང་གི་བརྡ་དང་སྙན་ངག་སོགས་ཀྱི་འགྲེལ་པ་རྒྱ་ཆེར་བཤད་པ་བཞུགས་སོ།
རྣམ་ཐར་ལེའུ་གསུམ་པའི་ནང་གི་བརྡ་ཚིག་འཁྲོལ་བ་ནི། འོད་མའི་ཁང་བུ་ནི་སྨྱུག་མའི་ཁྲིམ། ལོག་ལྟ་མིག་སྨན་ནི་མུན་པ། །བྱ་མ་རྟ་ནི་བངས་ཕྱིན་པ། ཙ་ཀོ་ར་ནི་སྐབས་འགའ་རེར་རི་དྭགས་ལ་འཇུག་པ་ཡོད་ཀྱང་སྐབསའདིར་ནི་འུག་པ། སྣང་བྱེད་ཉི་མ་ཡིན་ཕྱིར། དེ་ཤར་བའི་དུས་སུ་འུག་པ་མི་དགའ་ཡང་། བྱེའུ་སོགས་དགའ་བར་བྱེད་པའི་དཔེ། ཁ་བའི་རོ་ལ་བྱོལ་བ་ནི། གཟུར་བའམ་འབྲོད་པར་བྱེད་པ། ཡན་ལག་ཐམས་ཅད་ཀྱི་མཆོག་ནི་མགོ་བོ།། ༈ །།ལོ་ཆེན་སྐུ་ཞབས་ནས་བངས་ཕྱིན་སླེབས་པ། གྲ་པ་རྣམས་
མི་དགའ་ཡང་བདག་དགའ། ཡིན་ཕྱིར། མགོ་སྐོར་ལ་ཟེར། ཉལ་འགྲོ་ནི་ཆུ་བོ་གསུམ་བརྩེགས་ནི་རྣམ་པར་རྒྱལ་བའི་ཁང་བཟང་། ཀླུབས་པ་ནི་བརྒྱན་པ། བདག་ལ་ཡང་མ་འགྲོ་ཞེས། །གཙང་པོ་མགོ་དགུར༴ ས་འཛིན་ནི་རི་བོ། །དར་དཀར་ཐོད་ཕུད་པ་ནི་ཁ་བ་ཞུ་བ། མྱུ་གུའི་ཚོགས་ནི་རྩི་ཤིང་ལོ་ཐོག་ཚོགས་ཀྱི་མྱུ་གུ། ལོགས་པོོའི་འབྲུག་སྒྲ་དང་། མུ་ཏིག་ཆུན་པོའི་ཆར་སོགས་འདི་དག་ཐམས་ཅད་ནི། བདག་ཅག་རྣམས་ལོ་ཆེན་དྲུང་དུ་ཐོག་མར་འགྲོ་བའི་ཉིན་ཟླ་བ་གཉིས་པ་དཔྱིད་ཟླ་ར་བའི་ཚེས་བཅུ་ཡིན་ཚེ་དེའི་ཞོར་ལ་འབྲུག་དང་ཆར་ཐོག་
མར་བྱུང་ཞིང་ཁམ་བུ་མེ་ཏོག་ཤར། འཇའ་ཟུག་པ་སོགས་རྟེན་འབྲེལ་བཟང་བར་བྱུང་ཚུལ།། ༈ །།བླ་མ་ཟང་ཟིང་རིན་དུ་སྤྲོད་པ་སོགས་ནི། གྲྭ་ཚང་ནས་བཤོལ་བཏབ་མཁན་སླེབ་པ་ལ་ཟེར་རྒྱུ་ཡིན་ཏེ། འགྱུར་བྱེད་ཆེས་པ་ནི་སྤྲང་ལམ་མདོ་དོན་མེད་པ་ལ་ཟེར། རྣམ་འགྱུར་དགའ་བ་ལས་གཞན་ནི་མི་དགའ་བ་ལ་ཟེར། ཨ་བ་ལེ་བ་ནི་འཇིག་རྟེན་ཆོས་བརྒྱད་ལ་ཞེན་པ་ཆེ་བ་འཇུག་ཉོན་མོངས་ཀྱི་ཞུགས་ནི་མེད། འཆིལ་པ་ནི་སྲེད་པ། ལྷ་ཆེན་རྣམ་ཐར་ནི་སྤྱི་དོན་ལེགས་བཤད་དུ་ཡོད་པ་ལྟར་གྱི། དགེ་སློང་ལྷ་ཆེན་པོས་ཆོས་དང་མི་མཐུན་ཞིང་རྒྱལ་བའི་བཀའ་དང་འགལ་བ་འབའ་ཤིག་བྱེད་པ་དེ་དཔེར་བླངས་པའོ། །གནོད་མཛེ་མཁར་ནི་གསུམ་མཁར་ལུང་པ། མཐོ་ཞིང་དབེན་པའི་མིང་ནི། གཡོ་མཐོ་དབེན་སྟེང་ཞེས་ཆོས་རྗེ་པདྨ་དབང་རྒྱལ་གྱི་དགོན་པ་བསམ་གཏན་གླིང་ནི་རྩེས་ཐང་གི་
ཤར་ཕྱོགས་ཀྱི་སྒྲུབ་སྡེ་ཤུལ་རིང་ནི་ལམ་ཐག་རིང་པོ། མགྲོན་པ་ནི་གྲུལ་བུ། དམིག་བུ་ལོང་ཁྲིད། དཔལ་དང་འབྱོར་པས་བརྒྱན་པའི་དེའུ་ནི་ཡར་འབྲོག་་དཔལ་སྡེ།། ༈ །།ཟླ་འོད་གཞོན་ནུས་རྨེག་ལྕོག་པ། རིན་ཆེན་བརྩོན་འགྲུས་ཆོས་ཀྱི་ཆེད་དུ་འོང་བ་མངོན་མཁྱེན་གྱིས་གཟིགས་ནས་བསུ་བ་མཛད་པར་བྱོན་པའི་དཔེ། ཐམས་ཅད་སྒྲོལ་གྱི་ལོ་རྒྱུས་ནི་སངས་རྒྱས་ཀྱི་སྐྱེས་རབས་ལ་ཡོད། ཆུ་གཏེར་ཆུ་སྲིན་འཛིན་ཁྲི། རྒྱ་མཚོའི་འཇིངས་ཞེས་སོགས་ཐམས་ཅད་དོན་གཅིག་སྟེ་རྒྱ་མཚོ་གཏིང་ཟབ་པ་ལ་འཇིངས་ཞེས་བྱའོ། །རྫ་མཁན་འཁོར་ལོའི་དབུ་ནི་མགོ་འཁོར་བ། འགའ་ཞིག་ཐོས་ཤེས་མིན་ཡང་གྲགས་ཕྱིར་འཚོགས་པ་ནི། ཆོས་རང་གིས་མི་ཤེས་པར་གཞན་ལ་ཁེ་གྲགས་འདོད་པས་འཆད་པ། ཤེས་ཀྱང་མི་ནུས་ཁོང་འདྲུལ་ནི། ཡོན་ཏན་ཡོད་ཀྱང་གཞན་
ལ་མི་ཕན་པར་སྙོམ་ལས་དབང་གིས་ཆོས་ཁོང་རུལ་བཏང་བ། འོན་པའི་རོལ་མོ་མཁན་ནི་རང་གིས་ཐོས་མ་མྱོང་བར་ཟོག་དང་སྤོབ་པའི་གཞན་ལ་ཆོས་འཆད་པ། རུརྔུཥྐ་ནི་མཐན་དམག བདེན་བྲལ་ནི་སྲིན་པོ། ཙིནྟ་ཤུན་པ་ནི་སྙིང་ལྤགས། ལྔ་པ་ཞེས་པ་ནི་འཆི་བ་ལ་འཇུག་སྟེ། འདིའི་ངེས་ཚིག་ནི། དང་པོ་མངའ་དུ་ཞུགས། གཉིས་པ་སྐྱེ། གསུམ་པ་རྒས། བཞི་པ་ན། ལྔ་པ་ཤི་བའི་ཕྱིར་རོ། །གཞོན་པ་ནི་རྟ། རང་ཉིད་ཐོས་བསམ་སྒོམས་པའི་ནུས་མེད་པའི་ཟངས་དེ་ཉིད་ལ་བསྟར་བ་ཕྱི་གད་བྱེད་པ་ཟེར་ཏེ། ཤེལ་གྱི་ས་གཞི་གསལ་ཞིང་འཚེར་བ་བསྟར། ཞེས་སོ། པཱུཝརྞ་ནི་གསེར། ཀཻ་ལ་ཤ་ནི་གངས་རི། སྟོང་ཉིད་ཐོད་ལྡན་ནི་མགོ་སྟོང་ངམ་ཀླད་པ་མེད་པའི་མི་རིགས། སོད་ཆུང་ནི་པུསྟི་ཆུང་། ཀློང་ཆེན་སྤྲུལ་པ་ནི་ཆོས་རྗེ་གསུང་
སྤྲུལ། དཱ་རི་དྲ་ནི་སྤྲང་པོའི་བྱ་བྲལ་བ། གདེངས་ཅན་དབང་པོ་ནི་ཀླུའི་རྒྱལ་པོ། རྫོགས་ཆེན་རྣམ་རྒྱལ་ཁང་བཟང་ལ་དབང་བསྒྱུར་བ་ནི་རྫོགས་ཆེན་པ། ཏི་སེར་འགྲན་པའི་རི་ནི་གངས་ལ་རྫ་རིའི་ཁྲོད། རྡོ་རྗེའི་ཚེར་མ་ནི་འབྲུམ་ནད། ལུས་སྲོག་བསྐྱེད་པའི་དྲིན་ཅན་ནི་ཕ་མ། །བགྲང་གཞི་ནི་ལོ་འམ་ན་སོ་བདེ་ཆེན་བསམ་འགྲུབ་ནི་སྙིམ་ཕུ། །དབུགས་བྲལ་ནི་བམ་རོ།། ༈ །།ཛ་ཧཱའི་བུ་མོ་ནི་ཆུ་བོ་གངྒཱ། ལོ་ཀ་ནི་འཇིག་རྟེན། འཕྲོགས་བྱེད་ནི་ཁྱབ་འཇུག་འདི་སྣང་ནི་འཇིག་རྟེན་འདིའི་བྱ་བྱེད། བསྒྱིངས་པ་ནི་སྒྲོབས་ཆེན་བ་སྟེ། ཆུ་བོ་གངཱྒ་དང་ཁྱབ་འཇུག་མཁའ་ལྡིང་ཁྱུང་ལ་གཞོན་པའི་ལོ་རྒྱུས་འདི་དག་སྙན་དངགས་ཀྱི་གཏམ་རྒྱུད་ལ་ཁ་ཐག་རིང་བར་འདུག་ཀུ་རན་ཧ་ནི་ཉིད་དགའ་ཞེས་བྱ་སྟེ་ལྕམ་པའི་མེ་ཏོག །རྟ་ལྗང་ཅན་ནི་ཉི་མ་ཡིན་ཕྱིར། མེ་ཏོག་དེ་ཉིད་ཉི་མ་གར་ཡོད་དུ་ཁ་བསྟན་
པའི་དཔེ། ཨ་ཝཱ་དྷཱུ་ཏི་ནི་སྒྲ་ཐད་པོར་བསྒྱུར་ན་གཉིས་མེད་ལ་འཇུག་ཀྱང་། དོན་འགྱུར་གྱི་དབང་དུ་ཨ་ཝཱ་དྷཱུ་ཏི་པ་ཞེས་པ་འཇིག་རྟེན་སྤྲོས་པ་སྤོང་བ་ཟེར། ཆ་ཤས་ཅན་ནི་ཟླ་བ།། ༈ །།བླ་མ་ཀརྨ་ལགས་གྲུབ་ལ་གདམས་པའི་ནང་དུ། ལུས་མེད་ཅེས་པ་ནི་དགའ་རབ་དབང་ཕྱུག་སྐྱོ་སྔོགས་ནི་འཁྲུག་རྩོད། །རང་འདོད་ངོ་མཐོན་གྱི་ སྤོབས་པའི་ ཁྱད་གསོད་བྱེད་པ། གྱི་ན་ནི་མ་ཆད་ཙམ་ངན་ངོན་ཙམ། ཀ་ལིང་ཀའི་ཡུལ་གྱི་ནགས་ཚལ་གླང་པོ་ཆེ་ སྡོམ་པ་དམ་ཚིག་ གཏན་མི་ཆགས་པའི་དཔེ་གསོག་སོན་ནི་དོན་མེད་དམ་སྙིང་པོ་མེད་པ། གྲུ་གུ་བརྡོག་པའི་དཔེ་ནི་ཐུང་ངུ་ཐུང་ངུ་དྲིལ་པའི་ལྔ་པ་འཚོ་བའི་འདུ་ཤེས་ཆུང་བ་ནི་ཤི་ནའང་རུང་བསམ་པ། དཀྲི་བ་ནི་འཁྲིད་པ། འཇིག་རྟེན་གྱི་གཉེན་ནོར། གྲུབ་མཐའི་ཆགས་སྡང་། དགོན་གནས། གྲ་འཁོར། རང་གི་ལུས་སྲོག་གི་དོན་ལ་ཐུགས་ཀྱང་འཁྲུག་རྩོད་སོགས་སྡིག་པ་
སྤོང་ལ། ཐམས་ཅད་དང་མཐུན་པར་གྱིས་ཞེས་གདམས་པ། ནད་མདངས་ཕྱི་ལོ་གསལ་བའི་ཉམས་འགྱུར་ནི། རང་འཚོ་མ་ཐུབ་པ་བློ་མང་པོ་བྱེད་པ། ནུས་པ་ནི་བྱིས་པ། མ་གོར་ནི་མྱུར་མགྱོགས་བས་མཐའ་ནི་ལུང་སྟོང་། །ཀུ་ས་ལེ་ནི་བོད་སྐད་དུ་བསྒྱུར་ན། དགེ་བ་ཅན་ཞེས་བྱ་ཡང་། དིང་སང་ཕལ་སྐད་དུ་ཀུ་སུ་ལུ་ཞེས་བྱ་བཏང་ལ་ཟེར་རོ།། ༈ །།འཇང་རྒྱལ་པོ་ལ་བསྐུར་བའི་ནང་དུ། །འཆི་མེད་ན་ཆུང་ནི་ལྷའི་བུ་མོ། །སྤྱན་སྟོང་མངའ་བའི་བརྒྱ་བྱིན། །རྒྱ་མཚོའི་གོས་ཅན་ནི་ས་གཞི། །ཆུ་ལྷ་མོའི་ལང་ཚོ་གསལ་བ་ནི་ནུབ་ཕྱོགས། ལྷ་ལམ་ནི་ནམ་མཁའ། ཨ་ཀྵ་ར་ནི་ཡི་གེ། །དོ་རོ་ནི་འདུན་པའམ་ཚོགས་པ། ཉི་འོག་ནི་ཤར་ཕྱོགས། དུཿཁ་ནི་སྡུག་བསྔལ། དཀྵི་ཎ་ནི་ལྷོ་ཕྱོགས། སྐབས་གསུམ་གྲོང་ནི་སུམ་ཅུ་རྩ་གསུམ། ཀུ་སུ་ལི་ནི་རས། ཤ་ར་ནི་མདའ་
ནོར་ལྷ་ནི་ཡོན་བདག །ཡན་ལག་མཆོག་ནི་མགོ་པའི། འཁོར་ལོ་བསྒྱུར་བ་ནི། གཞན་ལ་མི་ཆོས་མགོ་བསྐོར། ཇ་ཧོང་ནི་ངུར་སྨྲིག༴ མཆི་མ་བཀུ་བ་ནི་མཆི་མ་བྲོ་བ། མགྲིན་སྔོན་ནི། སྒྲ་ཐད་ནོར་བསྒྱུར་ན་མི་འགྱུར་བ་ལ་འཇུག་པ་ཡིན་ཀྱང་། དོན་འགྱུར་ལ་ཡི་གེའོ། ལྷ་དབང་ཕྱུག་ཆེན་པོ། །དེའི་རལ་པའི་སྤོར་འབར་བ་ནི་ཟླ་བ། དྭགས་བརྒྱུད་ནི་དྭགས་པོ་བཀའ་བརྒྱུད། དམར་ཕྱོགས་ནི་ཚེས་ལོངས་སྤྱོད་པ་ནི། ཟླ་བ་དམར་པོ། དུས་མོ་ནི་སྒྲ་མཚན། ལི་ཁྲིའི་སྤྲིན་སྒྲིབ་ནི་ཞྭ་དམར་སེར་གྱི་བསྟན་པའི་ཆགས་སྒོ། རྣམ་འདྲེན་མུ་ཏིག་ལྟོ་བ་ནི་སྐྱེས་ཆེན་དམ་པ་རྣམས་གཤེགས་ཚུལ། སྒྲུབ་ཚོགས་ནི་སྒོམ་ཆེན་རྣམས། ལོ་ཀའི་ཤ་ར་བྷ་ནི། །འཇིག་རྟེན་ཆོས་བརྒྱད་ཀྱི་ཁྲི་ལ་འཇོག་པ། །འདི་སྣང་ནི་ཚེ་འདིའི་བྱ་བ། རྒྱགས་པའམ་དྲེགས་པ་ནི་ཁེངས་སེམས། ཞེན་པ་ཕྱི་ནང་བསྒྱུར་ལོག་ནི་འཇིག་རྟེན་ལ་ཞེན་པ་མི་
ལོག་པར་ཆོས་ལ་ཞེན་པ་ལོག་པ། གཞུང་ལུགས་ཀྱིས་ངོམས་པ་ནི་ཐོས་པ་ཆེ་བ་གནས་ལུགས་ལ་གཟིགས་པ་ནི། སྒོམ་ཕྱོགས་ལ་རྨོངས་པ། སྲིད་འབྱོར་ལ་ཞེན་པ། །མཚོ་མ་དྲོས་པའི་ཁ་རྒྱ་ལས་ཆེ་བ། རྟག་བརྟན་ནི་འཆི་བ་མི་དྲན་པ། གདེངས་ཅན་ནི་ཀླུ་ལྟར་ལྐུགས་པས། ས་གཞི་གང་བ། བཞད་རྡོར་ནི་མི་ལ། དྷཱུ་ཀུ་ལ་ནི། རས་གོས་ཀྱི་གོ་ཆ་བཞེས་པ་ལ་འགྲན་པ་ལྟར། བཀའ་བརྒྱུད་པ་རྣམས་གོ་མཚོན་ཐོགས་པའི་མཐུས་སྒྲུབ་བརྒྱུད་ཀྱི་བསྟན་པ་ཆོས་ཀྱི་དབྱིངས་སུ་ནུབ་པར་གྱུར་ཚུལ། ཁ་བའི་རྡུལ་རྩེགས་ནི་གངས་རི། དེ་ལ་གནས་པའི་གདོང་ལྔ་པ་ནི་སེང་གེ་ཡིན་ཕྱིར། བཀའ་བརྒྱུད་པ་རྣམས་ཕྱག་ཆེན་ཉམས་རྟོགས་ཀྱི་གཡུ་རལ་སྤྲུག་ནས་ལོག་ལྟའི་སྡེ་འཇོམས་པར་མི་མཛད་པ་ཅི་ཡིན་ཞེས་
པའོ། །མ་ཧཱ་ས་ན་ནི། གདན་ས་ཆེན་པོ་དེ་དག་བཞུགས་པའི་སྐྱེས་ཆེན་དམ་པ་རྣམས། ཐིག་པའི་རྩེ་ནི་ཕྱག་རྒྱ་ཆེན་པོ་ཡུ་མོ་ནི་རྭ་ཅོ་མེད་པ་ཡིན་ཏེ། གཞན་སྐུ་ཁམས་ཆེ་བ་རྣམས་དེ་ལྟར་མི་མཛད་ན་འོ་སྐོལ་མཐའ་འཁོབས་ན་གནས་པའི་མི་རྒན་གཉིས་ཡུ་རྡོག་བརྡུང་ཁ་རྒྱབ་ནས་ཅི་བྱེད་ཞེས་པའོ། །རྐང་ཐུང་ནི་ལྗོན་ཤིང་། གཉིས་སྐྱེས་ནི་བྱ་ཚོགས། ཡིབ་ས་ནི་གབ་པའམ་མཚམས་ལ་འདུག་པ། གཉིས་ཐུང་ནི་གླང་པོ་ཆེ་སྟེ། གྲོང་ཁྱེར་གྱི་གླང་པོ་མཆེ་བ་དྲུག་ལྡན་རྣམས་ལ་རྩིས་ཆེ་བས། མགོ་ལ་གསེར་གྱི་དྲྭ་བ་གཡོག་ཤིང་། སྒལ་པ་ལ་ནོར་བུ་བཀལ་མོད་ཀྱང་། ནགས་ན་གནས་པའི་གླང་པོ་ལ་དེ་ལྟར་བྱེད་མཁན་མི་འོང་བའི་དཔེ་དོན་ལྟར། བཱྱནྫ་ནི་ཡི་གེ་ཡིན་ཕྱིར། དྲི་ཡིག་གཞན་ལ་བསྐུར་བར་འོས་
བཞེས་པའོ། དབའ་རླབས་ནི་རྦ་རླབས།། ༈ །།སངས་རྒྱས་དངོས་ལྟ་བུའི་བླ་མ་འགའི་ཐུགས་རྗེའི་ལྗོན་ཤིང་གི་བསིལ་གྲིབ་བདག་ལ་བབས་པའི་མཐུས། མ་ཧཱ་སནྟི་རྫོགས་ཆེན་གྱི་རྫིང་བུ་རང་བབས་མ་བཅོས་པར་གནས་པ་ལས། ཉམས་ཀྱི་ཞེན་འདོད་མེད་པས། ཁ་བཤད་ཀྱི་རྦ་རླབས་མི་འཁྲུག །བཅོམ་སྐྱུང་བ་ནི་ཁ་རོག་སྡོད་པ་འཇུག་པའོ། ལུས་ཕྲ་མ་ནི་མཛེས་མ་ཟེར་བས། བདག་རྫོགས་ཆེན་རང་བབས་སྐྱོང་བ་མ་གཏོགས། ཁྱེད་ཕྱག་ཆེན་པ་ལྟར་བློས་བྱས་ཀྱི་བདེ་གསལ་མི་རྟོགས་སོགས་ཀྱི་ལམ་རྟགས་དང་། རྣལ་འབྱོར་བཞི་རིམ་གྱི་བང་རིམ་ཐོབ་འདོད་སོགས་ཀྱི་ བློ་བྲིད་མཁན་ གཞོན་ནུ་མ་འབུམ་ཕྲག་ལ་ཡང་སེམས་འཆོར་བའམ། ཡིད་སྨོན་གྱི་འགྲམ་ཆུའམ་མཆིལ་མ་འོང་དོན་མེད་ཅེས་པའོ།།
༈ །།དེ་ལྟར་ཕྱག་ཆེན་གྱི་དྲི་བ་བྱེད་མཁན་དང་པོ་ཚུར་ཡང་ཅིར་སྣང་བལྟ་བའི་ཅོ་འདྲི་ལྟ་བུའི་དྲི་བ་འདི་བྱས་བྱུང་བས། ཕར་ལའང་ཟུར་ཟའི་རྩེ་མོ་འདི་ལྟར་སྨྲས་པ་ཡིན་ཀྱང་སླར་གཏིང་དམ་པ་ནས་ཡིད་ཆེས་པའི་དད་པ་སྐྱེས་ཁུས་བྱས་སོང་བས་བར་དོའི་སྤྱི་དོན་དང་། རྡོ་རྗེ་མདོ་འཛིན་སོགས་བསྐུལ་བ་པོ་བྱས་པ་ལ་བརྟེན་ནས་ཞིབ་ཏུ་བྱས་པ་ཡིན་ནོ། །འདི་རྣམས་ཀྱང་རང་གྲོལ་ཞབས་ཀྱི་གསུང་ལ། རྒོད་ཕུག་བསོད་ནམས་དབང་རྒྱལ་ཞེས། རང་གྲོལ་རྗེ་དངོས་ཀྱི་བཀའ་དྲིན་འཚོ་བ་དེས་ཟིན་བྲིས་ངོ་མར་དཔེ་བྱས་པ་ཡིན་ནོ། །བཀྲ་ཤིས། གཅིག་ཞུས་ཁུལ་ལགས།