ཁྱུང་གི་བཟླས་དམིགས།

༄༅། རྩ་བསྙེན་སྒྲུབ་སྔགས་གང་རུང་གི་གཤམ་དུ་སྦྱར་ཆོག་པའི་ཁྱུང་གི་བཟླས་དམིགས་ནི༔ བདག་ཉིད་གསང་བདག་ཏིང་འཛིན་ངང་༔ གནས་ལྔར་བྱ་ཁྱུང་རིགས་ལྔ་ཡི༔ ཐུགས་ཀར་ཉི་སྟེང་རང་མདོག་གི༔ ཁྲོཾ་མཐར་སྔགས་ཕྲེང་གཡོན་དུ་འཁོར༔ ཐུགས་སྲོག་སྐུ་དང་སྒྲོ་གཤོག་ལས༔ འོད་ཟེར་མེ་དང་དུད་སྤྲིན་འཁྲིགས༔ སྡེ་བརྒྱད་སྤྱི་དང་ཁྱད་པར་དུ༔ གང་གནོད་ཀླུ་འམ་ལུས་གདོན་རྣམས༔ རྩྭ་སྦུར་མེ་དང་འཕྲད་པ་བཞིན༔ རྣམ་སྨིན་ལུས་རྟེན་བུན་བུན་བསྲེགས༔ མ་ཡེངས་དམིགས་པའི་འཕྲོ་འདུ་དང་༔ སྟོང་ཉིད་སྙིང་རྗེའི་ངང་ནས་བཟླ༔ རྩ་སྔགས་གཤམ་དུ༔ ཨོཾ་བྷུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཊཱ་ཙ་ལེ་ཙ་ལེ་ཧཱུྃ་ཕཊ༔ ཅི་འགྲུབ་མཐར་སྤྲོ་ན་ཁྱུང་ལྔའི་རང་སྔགས་འདོན༔ ཞེས་པའང་དགོས་པ་ཆེ་ཕྱིར་ཕན་མིང་པས་བྲིས་པ་དུས་གསུམ་ཀུན་ཏུ་དགེ་བར་གྱུར་ཅིག་གུ༔