བཞེས་འབོད།

༄༅། བཞེས་འབོད་ནི། ཧོ་དཔལ་ཆེན་པོ་རྡོ་རྗེ་གཞོན་ནུ། བཀའ་སྡོད་དམ་ཅན་རྒྱ་མཚོ། ལས་བྱེད་ཕོ་ཉ་དྲེགས་པ་ཅན་རྣམས་ཀྱི་མཐུ་དང་ནུས་པའི་རྩལ་ཕྱུངས་ལ་དམ་ཉམས་པའི་དགྲ་བོ་བདུན་རྒྱུད་དང་བཅས་པའི་སྲོག་གི་ལྗོན་ཤིང་བསྒྱེལ་ཅིག གནམ་གྱི་འཇུ་ཐག་ཆོད་ཅིག ས་ཡི་རྟེན་ཕུར་ཕྱུངས་ཤིག ཆགས་པའི་ཡུལ་དང་ཕྲོལ་ཅིག དབང་ཐང་གི་ར་བ་གཏོར་ཅིག རླུང་རྟའི་རྒྱལ་མཚན་བསྙིལ་ཅིག སྒོ་ནོར་ཕྱགས་མས་ཐོབ་ཅིག སྐྱོབས་བྱེད་ཀྱི་ལྷ་དང་ཕྲོལ་ཅིག སྲོག་རྩ་དམར་པོ་ཆོད་ཅིག སྙིང་ཁྲག་ཞལ་དུ་དྲོངས་ཤིག དོན་སྙིང་སྦར་གྱིས་ཆུས་ཤིག ཀླད་ཁྲག་ཞོ་ལྟར་དཀྲུག་ཅིག ཁོང་ཁྲག་ཐང་ལ་ཕོས་ཤིག ཕོ་རྒྱུད་རྩད་ནས་ཆོད་ཅིག མོ་རྒྱུད་མངལ་ནས་སྐོམས་ཤིག ཉེ་བཞི་རྩ་ལག་སོད་ཅིག །བདུན་རྒྱུད་དྲུང་ནས་ཕྱུངས་ལ། སྒོ་དང་ལམ་སྲང་མ་ནོར། མིང་འདྲ་དང་རུས་འདྲ་མ་ནོར། ཁྱིམ་མཚེས་དང་དགྲ་གཉེན་ངོ་ཤེས་པར་གྱིས། མི་ཚེ་རིང་པོ་ལ་དུས་མ་འདེབས། ནམ་མཁའ་སྟོང་པ་ལ་ཚད་མ་འཛུག །ལས་ཀྱིས་དབང་པོ་ལ་གཏད་མ་འདོག །སྐྱེ་རྒ་ན་འཆི་ལ་ཁུངས་མ་འབྱིན་པར་དམ་ཉམས་པའི་དགྲ་བོ་ཕ་ཁུ་མ་ཚན་ཉེ་འབྲེལ་བདུན་རྒྱུད་དང་བཅས་པ་ལོ་དང་ཟླ་བར་མ་བཞག །ཞག་དང་ཟ་མར་མ་འགྱངས་བར་ད་ལྟ་ཉིད་དུ་དཔལ་ཆེན་པོ་ཆེ་མཆོག་ཕུར་པའི་ལྷ་ཚོགས་དམ་ཅན་དྲེགས་པའི་ཚོགས་ཀྱི་ཞལ་དུ་བསྟབ་པོ་བཞེས་ཤིག་རོལ་ཅིག་ཁ་རཾ་ཁཱ་ཧི