སྒྲོལ་མའི་གསོལ་འདེབས་བསྡུས་པ།
༄༅། སྒྲོལ་མའི་གསོལ་འདེབས་བསྡུས་པ་བཞུགས། དུས་གསུམ་རྒྱལ་བ་ཀུན་གྱི་ཡུམ་གྱུར། །མྱུར་མཛད་སྒྲོལ་མ་འཇིགས་པ་བརྒྱད་སྐྱོབས། །ཏཾ་ཡིག་འོད་ལས་རྣམ་པར་འཁྲུངས་མ། །ཉ་རྒྱས་ཟླ་ལྟར་གསལ་བའི་ཞལ་མ། །མ་ལུས་སེམས་ཅན་ཀུན་གྱི་གཉེན་གྱུར། །འཕགས་མ་ཁྱེད་ལ་གསོལ་བ་འདེབས་ཀྱིས། །ནད་གདོན་བར་ཆད་འཇིགས་པ་བརྒྱད་དང་། །མཐའ་དམག་ས་གཡོའི་འཇིག་སོགས་ཞི་ཞིང་། །བསམ་པའི་དོན་ཀུན་ལྷུན་གྱིས་གྲུབ་ནས། །ལེགས་ཚོགས་བདེ་སྐྱིད་འཕེལ་བར་ཤོག་ཅིག །ཨོཾ་ཏཱ་རེ་ཏཾ་སྭཱཧཱ། ཞེས་པའང་སྨིན་དྲུག་ཟླ་བའི་ཉེར་ལྔའི་ཐོ་རངས་རྨི་ལམ་གྱི་སྐབས་སུ་རྗེ་བཀའ་དྲིན་མཚུངས་མེད་འཇམ་མགོན་གུ་ཎ་ས་རས་བདག་ལ་བསྩལ་བའི་ཉམས་བྱུང་བ་བླ་མའི་བྱིན་རླབས་སུ་མོས་པས་ལུང་རིག་མིང་གིས་བྲིས་པ་འདིས་ཀྱང་སྙིགས་མའི་རྒུད་པ་ཞི་བའི་མཐུན་རྐྱེན་དུ་གྱུར་ཅིག །