བརྒྱུད་འདེབས་བསྡུས་པ་ལོག་འདྲེན་བརླག་མཛད་རྒྱ་ལྷས་མཛད་པ།
༄༅། འོད་ཟེར་ཅན་མའི་བརྒྱུད་འདེབས་བསྡུས་པ་ལོག་འདྲེན་བརླག་མཛད་བཞུགས། ཨེ་མ་ཧོ། རྡུལ་བྲལ་སྟོན་པ་མཉམ་མེད་མཚོན་ཆའི་སྡེ། །དུས་དགྲའི་གཤེད་གྱུར་འཇམ་དཔལ་གཤིན་རྗེའི་གཤེད། །དེ་ཡི་སྦྱོར་ཡུམ་ཨཱརྱ་མ་རི་ཙྱཻ། །གསོལ་བ་འདེབས་སོ་དགྲ་སྡེའི་སྦྱོར་ངན་ཤིགས། །དྲག་སྔགས་བཀའ་བབས་ཤནྟིཾ་གརྦྷ་རྗེ། །བྷོ་ཊའི་རྒྱན་གཅིག་བྱང་ཆུབ་རྡོ་རྗེའི་ཞབས། །རྒྱལ་བའི་གདུང་འཚོབ་ལུང་རིག་གླིང་པ་ལ། ། གསོལ་བ་འདེབས་སོ་དགྲ་སྡེའི་སྦྱོར་ངན་ཤིགས། །དེ་ལྟར་གསོལ་བ་བཏབ་པའི་ནུས་མཐུ་ཡིས། །མ་རིག་རྒྱུ་ལས་བྱུང་བའི་དགྲ་སྡེའི་དཔུང་། །ཤེས་རབ་རིག་པའི་མཚོན་འཁོར་གྱིས་གཞོམས་ཏེ། །རང་བྱུང་གདོད་མའི་རྒྱལ་སྲིད་ལ་དབང་ཤོག །ཅེས་པའི་བརྒྱུད་འདེབས་ཉུང་བསྡུས་འདི། །རང་ལ་ཉེར་མཁོའི་དུས་བྱུང་ཚེ། །རྨོངས་པ་དེ་ཝའི་མིང་གིས་བྲིས། །ཉེས་མཆིས་ལྷ་ལ་བཟོད་པར་གསོལ། །དགེ་བས་འགྲོ་རྣམས་སངས་རྒྱས་ཤོག །སརྦ་མངྒ་ལཾ། །དགེའོ། །དགེའོ། །དགེའོ།།