མཆོད་བསྟོད་སོགས་ལྡེབ་ཤར།
༄༅།། གཏོར་མའི་ལྷ་ཚོགས་ལ་མཆོད་བསྟོད་ནི། ཧཱུྃ༔ དངོས་སུ་འབྱོར་དང་སོགས་ཀྱིས་མཆོད། བསྟོད་པ་ནི། གདོད་མའི་སྟོང་ཆེན་ཆོས་དབྱིངས་ཡུམ་གྱི་མཁར༔ སྐྱེ་མེད་རང་བྱུང་འགྲོ་ངོར་གང་འདུལ་གཟུགས༔ ཚད་མེད་སྙིང་རྗེ་ཆེར་ཁྲོས་ཞིང་བཅུའི་གཤེད༔ གཙོ་འཁོར་སྤྲུལ་པར་བཅས་ལ་ཕྱག་འཚལ་བསྟོད༔ བཟོད་གསོལ་དང་། དངོས་གྲུབ་ལེན་པ་ནི། ཨོཾ༔ འཇིགས་པ་བརྒྱད་སྐྱོབ་ཞི་བའི་དངོས་གྲུབ་སྩོལ༔ འབྱོར་པ་དྲུག་ལྡན་རྒྱས་པའི་དངོས་གྲུབ་སྩོལ༔ མོས་པ་རྣམ་བཞི་དབང་གི་དངོས་གྲུབ་སྩོལ༔དགྲ་བགེགས་ཚར་གཅོད་དྲག་པོའི་དངོས་གྲུབ་སྩོལ༔ ལས་བཞི་ལྷུན་གྱིས་གྲུབ་པའི་དངོས་གྲུབ་སྩོལ༔ མཆོག་དང་ཐུན་མོང་གཉིས་ཀྱི་དངོས་གྲུབ་སྩོལ༔ ཨོཾ་གུ་རུ་དྷེ་ཝ་ཌཱཀྐི་ནི་ཀཱ་ཡ་སིདྡྷི་ཨོཾ༔ ཝཀྐ་སིདྡྷི་ཨཱ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ནས། ཧཱུྃ་ཧ་ཧེ་ཕཊ་བྷྱོ་རཾ་སོགས་འདོན།