ཟོར་སྒྲུབ།
ཟོར་བསྒྲུབ་ནི། གཏོར་མའི་ལྷ་ཚོགས་ལ་མཆོད་བསྟོད། བཟོད་གསོལ་རྣམས་བསྡུས་ཙམ་བྱས་ལ། ཧཱུྃ་ཧ་ཧེ་ཕཊ་བྷྱོ་རཾ༔ གཏོར་ཆེན་གྱི་ཡེ་ཤེས་པ་རྣམས་རང་ལ་བསྟིམ༔ དམ་ཚིག་པ་རྣམས་འོད་དུ་ཞུ་བ་ལས་ངོ་བོ་རྒྱལ་ཡུམ་དཔའ་མོ་འོད་ཟེར་ཅན་གྱི་ལྷ་ཚོགས་ལ༔ རྣམ་པ་གཏོར་ཆེན་ཟོར་རྫས་དང་བཅས་པ་མེ་དང་མཚོན་གྱི་ཚྭ་ཚྭ་འཕྲོ་ཞིང་༔ ནད་དང་དུག་གི་རླངས་སྤྲིན་གཡོ་བ༔ སྟོང་གསུམ་སྐད་ཅིག་ལ་བརླག་ནུས་པའི་རང་བཞིན་ཅན་དུ་གྱུར་པར་བསམ་ལ། ཨོཾ་མ་རི་ཙྱཻ་བ་ཏ་ལི་བ་ཏ་ལི་བྷ་ར་མུ་ཁི་སརྦ་དུཥྚཾ་པྲ་དུཥྚཾ་ཙཀྵུ་མུ་ཁཾ་བྷནྡྷ་བྷནྡྷ་སྭཱ་ཧཱ༔ ཟོར་ཡ་ཟོར་ཡ༔ ཐུན་ཡ་ཐུན་ཡ༔ དགྲ་བགེགས་འབྱུང་པོའི་སྲོག་ལ་མྱོག་རྦད༔ སརྦ་ཙིཏྟ་གཟེར་ཐུམ༔ ཨེ་ཧུར་ཐུམ་ཏྲིག་ནན་རྦད་ཛ༔ མང་དུ་བཟླའོ།