རང་གི་ཐུགས་ཀ་ནས་སོགས་ལྡེབ་ཤར།
༄༅། རང་གི་ཐུགས་ཀ་ནས་འོད་ཟེར་དཔག་ཏུ་མེད་པ་ཕྱོགས་བཅུར་འཕྲོས་པས་ཕྱོགས་བཅུའི་རྒྱལ་བ་སྲས་བཅས་རྩ་གསུམ་ནོར་ལྷ་རྒྱ་མཚོའི་ཚོགས་དང་བཅས་པ་ཐམས་ཅད་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་མཁྱེན་བརྩེ་ནུས་གསུམ་གྱི་མཐུ་སྟོབས་བཀྲག་མདངས་གཟི་བརྗིད། ཕྱི་སྣོད་འབྱུང་བ་ལྔའི་བཅུད་ཀྱི་དྭངས་མ་དང་བཅས་པ་ཐམས་ཅད་ཕྱོགས་ཕྱོགས་ནས་འདུས་ཏེ་ནམ་མཁའ་ནས་རྒྱལ་སྲིད་རིན་པོ་ཆེ་སྣ་བདུན་ཆར་ལྟར་དུ་བབས། ས་འོག་ནས་རིན་པོ་ཆེ་སྣ་ཚོགས་ཀྱི་གཏེར་ཁ་རྡོལ། ས་སྟེང་ནས་ལྷ་འདྲེ་མི་གསུམ་ཐམས་ཅད་ཀྱི་ཟས་གོས་ནོར་གསུམ་ལ་སོགས་ཅི་འདོད་ཀྱི་དངོས་གྲུབ་ཐམས་ཅད་ཤིང་ལོ་སྐམ་པོ་རླུང་གིས་དེད་པ་ལྟར་འུབ་འུབ་ཡོམ་ཡོམ་དུ་བསྡུས་ནས་བདག་དང་སྦྱིན་བདག་གི་གནས་ཁང་དང་ས་ཕྱོགས་ཡུལ་ཁམས་ཐམས་ཅད་དུ་སྤུངས་ནས་མེར་མེར་དེང་དེང་གང་བས་ཚེ་བསོད་དཔལ་འབྱོར་ལོངས་སྤྱོད་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་བསམ། ཨོཾ་བ་སུ་དྷ་རི་སྭཱ་ཧཱ༔ ཨོཾ་བཻ་ཤྲ་མ་ཎ་ཡེ་སྭཱ་ཧཱ༔ ཨོཾ་ཛཾ་བྷ་ལ་ཡེ་སྭཱ་ཧཱ༔ ཨོཾ་པུརྣ་བྷ་ཏྲ་ཡེ་སྭཱ་ཧཱ༔ ཨོཾ་མ་ཎི་བྷ་ཏྲ་ཡེ་སྭཱ་ཧཱ༔ ཨོཾ་ཀུ་བེ་ར་ཡེ་སྭཱ་ཧཱ༔ ཨོཾ་སཾ་པྲ་ཛེ་ན་ཡེ་སྭཱ་ཧཱ༔ ཨོཾ་གུ་ཧྱ་ཋ་ན་ཡེ་སྭཱ་ཧཱ༔ ཨོཾ་པཉྩི་ཀ་ན་ཡེ་སྭཱ་ཧཱ༔ ཨོཾ་པི་ཙི་ཀུཎྜ་ལི་ཡེ་སྭཱ་ཧཱ༔