གཞི་བདག་བསང་བསྡུས་འདོད་དོན་ལྷུན་གྲུབ།

༄༅། གཞི་བདག་བསང་བསྡུས་འདོད་དོན་ལྷུན་གྲུབ་བཞུགས་སོ། །ཀྱཻ་རྨད་བྱུང་མདོ་སྔགས་ཆོས་ཀྱི་སྐྱེད་ཚལ་མཆོག །དབྱི་ཞེས་ངོ་མཚར་གནས་ཀྱི་ཡུལ་སྐྱོང་གཙོ། །གཡི་ཁྲོམ་མཚོ་སྨན་དགྲ་བླ་མི་མགོན་དཀར། །དབང་བསྡུད་ལྷ་རྩེ་དཔའ་བོ་སྟག་འཕྲུ་ཅན། །ནོར་བུ་ལྷ་རྩེ་གཉན་པོ་གཡུ་རྩེ་དང་། །རྡོ་རྗེ་ལྷ་རྩེ་ཕྱོགས་འདིའི་གཞི་བདག་སོགས། །མ་ལུས་བྲན་གཡོག་འཁོར་བཅས་ཐམས་ཅད་ལ། །འདོད་ཡོན་ལྔ་ལྡན་བསང་མཆོད་འདི་ཕུལ་བས། །ཕྲིན་ལས་རྣམ་བཞིའི་ལས་རྣམས་འགྲུབ་པ་དང་། །རྣལ་འབྱོར་བཅོལ་པའི་ཕྲིན་ལས་འགྲུབ་པར་མཛོད། །ཅེས་པའི་ཤྭོ་ལོ་ཀ་རྒྱ་སྤྲུལ་རིན་པོ་ཆེའི་གསུང་ལ་ཚིག་རྐང་རྗེས་མ་ས་ར་ཧི་ཏས་སྦྱར་བའོ །།