གཏོར་འབུལ་ཧོ་རྣམ་དག་སོགས།
༄༅།། ཧོ༔ རྣམ་དག་བདུད་རྩིའི་གཏོར་མ་འདི་ཉིད་བསྔོ་ཞིང་སྦྱིན་པའི་གནས་སུ་གྱུར་པ་ནི༔ ཁྱབ་བདག་དྲིན་ཆེན་བླ་མ་ཡི་དམ་རྒྱུད་སྡེ་སྒྲུབ་སྡེ་གནས་གསུམ་མ་མོ་མཁའ་འགྲོ༔ སྔགས་སྲུང་ཨེ་ཀ་ཛ་ཏི༔ དཔལ་ལྡན་དུད་སོལ་ལྷ་མོ༔ ཕྱག་དྲུག་གུར་གྱི་མགོན་པོ༔ བཀའ་སྡོད་བྱ་རོག་གདོང་ཅན༔ སྨན་གྱི་ལྷ་མོ་སྤུན་བདུན༔ ཡིད་འགུགས་དབང་ལྷ་དམར་པོ༔ སྨན་བཙུན་ཚེ་རིང་མཆེད་ལྔ༔ ལྷ་ཆེན་ལྕམ་དྲལ་ཡབ་ཡུམ༔ ཁྱབ་འཇུག་དུག་གི་སྤུ་གྲི༔ དམ་ཅན་རྡོ་རྗེ་ལེགས་པ༔ བཙན་རྒོད་དྲག་པོ་སྤུན་བདུན༔ བཀའ་སྡོད་ལྷ་བཙན་འབར་བ༔ སྐྱེས་བུ་མིའུ་ཐུང་ནོར་བདག༔ གཏེར་སྲུང་གཉན་ཆེན་ཐང་ལྷ༔ ཕུར་སྲུང་དམ་ཅན་བཅུ་དྲུག༔ ཀླུ་མཆོག་ཀླུ་རྒྱལ་མཐའ་ཡས༔ ཛམ་ལྷ་རྟ་བདག་མཆེད་བརྒྱད་ལ་སོགས༔ འགོ་ཞིང་སྐྱོབ་པའི་ལྷ་སྲུང་མཆོད་འོས་བསྟོད་འོས་རྣམས་ཀྱི་ཞལ་དུ་ཨེ་དཾ་བྷ་ལིང་ཏ་ཁ་ཁ་ཁཱ་ཧི༔