ཟ་ངུ་བསྡུས་པ།

༄༅། ཟ་ངུ་བསྡུས་པ་ནི། འཁོར་དང་མྱ་ངན་འདས་པའི་ཆོས་སོ་ཅོག །དོན་དམ་དབྱིངས་སུ་ཐམས་ཅད་མཉམ་པ་ཉིད། །དམིགས་ཡུལ་དགྲ་དང་བསྐུལ་བྱའི་བསྲུང་མ་དང་། །བསྐུལ་བྱེད་བསྒྲུབ་པོའི་ལྷ་སྔགས་སྟོང་པའི་གཤིས། །འགགས་མེད་མཁའ་ལས་དཀར་ནག་སྤྲིན་འཕྲོས་ཀྱང་། །དབྱིངས་སུ་ཡལ་ཚེ་གང་ཡང་མ་གྲུབ་ལྟར། །ཐམས་ཅད་མཉམ་ཉིད་ཆོས་སྐུའི་རང་རྩལ་དུ། །ཇི་ལྟར་བྱས་ཆོས་རིག་སྟོང་ཀློང་དུ་གྲོལ། །དེ་ཕྱིར་དགྲ་སྡེར་དམ་ཅན་བསྲུང་མ་ཡིས། །གནས་སྐབས་ལས་ངན་རྒྱུ་འབྲས་ཟ་ངུ་གྱིས། །མཐར་ཐུག་ལྷག་པའི་ལྷ་ཡི་ཐུགས་ཀློང་དུ། །ཐམས་ཅད་བདེ་ཆེན་སྐུ་གསུམ་ཀློང་དུ་ཨཱཿ ཅེས་པའང་དམ་པའི་བཀའ་བཞིན་རྒྱ་སྤྲུལ་རྨོངས་རྒན་གྱིས་བྲིས་པ་ཛ་ཡནྟུ།