གུ་རུའི་གསོལ་འདེབས།

༄༅། གུ་རུའི་གསོལ་འདེབས་ནི།

ཨོཾ་ཨཱཿཧཱུྃ། མཆོག་གསུམ་རྩ་གསུམ་སྐུ་གསུམ་འདུས་པའི་དཔལ། །བསླུ་མེད་སྐྱབས་གནས་གུ་རུ་རིན་པོ་ཆེ། །པདྨ་རྒྱལ་པོ་སྣང་སྲིད་ཟིལ་གནོན་རྗེ། །གསོལ་བ་འདེབས་སོ་འཇིགས་བརྒྱད་ཞི་བ་དང་། །ཚེ་ཟད་བསྲིང་ཞིང་ལོངས་སྤྱོད་འབྱོར་བ་འཕེལ། །བློ་གྲོས་མི་ཟད་སྤོབས་པའི་གཏེར་མཛོད་རྡོལ། །ཤེས་རབ་མེ་འབར་འཆད་རྩོད་རྩོམ་ལ་མཁས། །བསྟན་པའི་རྒྱལ་མཚན་ཕྱོགས་བཅུར་འཛུགས་པ་དང་། །ལྷ་སྲིན་བྲན་ཁོལ་ཆེ་བཙན་དབང་དུ་འདུས། །ཚེ་འདིར་མཁའ་སྤྱོད་ཟངས་མདོག་དཔལ་རིར་བགྲོད། །པདྨའི་ཞལ་མཐོང་ལུང་བསྟན་དབུགས་དབྱུང་ཤོག། ཅེས་པའང་སྙིགས་དུས་འདིར་ཕན་ནམ་སྙམ་ནས་བཙུན་གཟུགས་ལུང་རྟོགས་མིང་གིས་སྦྱར་བ་དགེའོ།།