ཉམས་མགུར་རྡོ་རྗེའི་དོ་ཧ།

༄༅། ཉམས་མགུར་རྡོ་རྗེའི་དོ་ཧ་བཞུགས། ཨ་ཧོ། སྐྱེ་འགག་གནས་གསུམ་བྲལ་བ་མཐའ་བྲལ་ཀྱི་ངོ་བོ། །བརྗོད་མེད་བློ་ལས་འདས་པ་སྤྲོས་བྲལ་གྱི་ལྟ་བ། །རང་བབ་ཐད་ཀར་བཞག་པ་རང་བཞིན་གྱི་ངོ་བོ། །གཟུང་འཛིན་སྒྲོག་ལས་གྲོལ་པའི་རང་གདངས་དེ་སྒོམ་པ། །ཡིད་ལ་མ་བྱས་རང་ཤར་རྟོག་ཚོགས་ཀྱི་འཕྲོ་འདུ། །ཡེངས་མེད་འཛིན་མེད་ཕྱལ་ཡས་རང་གྲོལ་དེ་སྤྱོད་པ། །འདི་ཟེར་ཚད་མར་བཟུང་བའི་བློ་ངན་དང་བྲལ་བའི། །གང་ཡང་ཡིད་མཁར་དག་པའི་ལྷུན་མཉམ་གྱི་ངོ་བོ། །སྣང་སེམས་རོ་གཅིག་གྱུར་བའི་རིག་སྟོང་གི་བླ་མ། །ཚེ་འདིར་མཇལ་ཏེ་བརྒྱུད་པའི་ཤུལ་ཟིན་ཅིག་མཛོད་ཤོག །དེ་སྐད་གཞན་བློ་གསལ་བའི་འོད་ཟེར་ཞིག་མེད་ཀྱང་། །དམ་པའི་ཐུགས་རྗེས་འཚོ་བའི་བན་སྨྱོན་དེས་འཆལ་གཏམ།། དགེའོ།།