དཔལ་ལྡན་བླ་མའི་གསོལ་འདེབས་སྐལ་བཟང་ཡིད་ལ་འཐད་པའི་བཻཌཱུརྱའི་དོ་ཤལ།
༈ དཔལ་ལྡན་བླ་མའི་གསོལ་འདེབས་སྐལ་བཟང་ཡིད་ལ་འཐད་པའི་བཻཌཱུརྱའི་དོ་ཤལ་ཞེས་བྱ་བ་བཞུགས་སོ།། ངོ་བོ་ཀ་དག་བླ་མ་ཆོས་ཀྱི་སྐུ། །རང་བཞིན་ལྷུན་གྲུབ་བླ་མ་ལོངས་སྤྱོད་རྫོགས། །ཐུགས་རྗེ་འགྲོ་འདུལ་བླ་མ་སྤྲུལ་པའི་སྐུ། །ཡོངས་ཤར་རྒྱལ་བའི་སྲས་ཀྱི་ཚུལ་བཟུང་བ། །ལུང་རྟོགས་བསྟན་པའི་ཉིན་བྱེད་དཔལ་བཟང་པོ། །ཡོངས་རྫོགས་དགེ་བའི་བཤེས་གཉེན་དམ་པ་ལ། །སྒོ་གསུམ་གུས་པས་རྩེ་གཅིག་གསོལ་བ་འདེབས། །དོན་གཉིས་ལྷུན་གྱིས་འགྲུབ་པར་བྱིན་གྱིས་རློབས། །ཅེས་གསོལ་འདེབས་སྨོན་ཚིག་དང་བཅས་པ་འདི་ནི་དད་ལྡན་གྱི་སློབ་མ་འགའ་ཞིག་གིས་བསྐུལ་ངོར་རྒྱ་སྤྲུལ་མིང་རང་ཉིད་ཀྱིས་སྨྲས་པ་དགེ་ཞིང་བཀྲ་ཤིས་པར་གྱུར་ཅིག་གུ།།