བརྟགས་ལུང་མཇུག་མི་ཚང་བ་ཞིག
༄༅། བརྟགས་ལུང་མཇུག་མི་ཚང་བ་ཞིག རྟེན་འབྱུང་བསླུ་མེད་སྟོང་ཉིད་ཟབ་མོའི་གཤིས། །རྟེན་འབྲེལ་ཚུལ་གྱིས་ངེས་པར་ཐུགས་ཆུད་ནས། །རྟེན་འབྲེལ་ལས་ཀུན་གདུལ་བྱའི་འགྲོ་ལ་སྟོན། །རྟེན་འབྲེལ་ཀུན་མཁྱེན་ཤཱཀྱའི་རྒྱལ་པོར་འདུད། །བདག་འདྲ་སོ་སྐྱེས་བྱིས་པའི་ངང་ཚུལ་ཅན། །སྔ་མའི་གཏམ་གྱི་བཤད་འཕྲོ་བརྗེད་འགྱུར་ན། །གཞན་ལ་སྔ་ཕྱིའི་སྐྱེ་བ་ལུང་སྟོན་པ། །གཟུ་བོར་གནས་པས་བརྟགས་ན་གད་མོའི་ཡུལ། །འོན་ཀྱང་དད་པ་ཅན་གྱི་བློ། །སུན་འབྱིན་ལྟུང་བར་རྒྱལ་བས་གསུངས། །དེ་ཕྱིར་པད་འབྱུང་འཕགས་མ་ལ། །འབྲལ་མེད་གསོལ་བ་བཏབ་པའི་འབྲས། །བདེ་གསལ་ཉམས་ཀྱི་ཨ་དརྴ། །འབྱུང་འགྱུར་རྟེན་འབྲེལ་གཟུགས་སྣང་བ། །རེ་དོགས་སྤངས་ཏེ་འདི་སྐད་སྨྲ། །སྐྱེ་སྔོན་བསོད་ནམས་བསགས་ཏེ་དལ་འབྱོར་ལུས། །ད་ལྟ་རང་གཞན་འབྱོར་བ་ཕུན་སུམ་ཚོགས། །མ་འོངས་སྐྱེ་བ་བཟང་ངན་ཅིར་འགྱུར་བ། །ད་ལྟ་རང་གི་ལག་ན་ཡོད་སྐབས་འདིར། །རྣམ་གཡེང་མ་བྱེད་རེ་འགའ་སྒྲུབ་ཚུགས་ཟུངས། །ཚེ་འདིའི་བདེ་སྐྱིད་གློག་གི་རོལ་རྩེད་འདྲ། །ངེས་པར་བརྟགས་ན་སྙིང་པོ་འགའ་མ་མཆིས། །ལུས་སེམས་དར་རྒུད་སྒྱུ་མའི་འཁྲུལ་འཁོར་བཞིན། །ཆ་ཤས་སོ་སོར་ཕྲལ་ན་སྙིང་པོ་དབེན། །ལུས་ངག་ཡིད་གསུམ་ཚོགས་གཉིས་མཛོད་ཁང་འདྲ།་་་་་་མཇུག་མ་ཚང་།