ཚོགས་གཉིས་གོང་འཕེལ་གླིང་གི་བསྟན་པ་རྒྱས་བྱེད་སྨོན་ལམ།

༄༅། ཚོགས་གཉིས་གོང་འཕེལ་གླིང་གི་བསྟན་པ་རྒྱས་བྱེད་སྨོན་ལམ་བཞུགས། ཨོཾ་སྭ་སྟི་སིདྡྷི། མཁའ་སྤྱོད་ཨོ་རྒྱན་མཁན་པོའི་རིང་ལུགས་ཀྱི། །མདོ་སྔགས་ཆོས་གྲྭ་དར་ཞིང་རྒྱས་པ་དང་། །གྲགས་དཀར་གླིང་བཞིར་ཁྱབ་པའི་དགེ་མཚན་ཚོགས། །སྲིད་མཐར་མི་ཉམས་མཁའ་བཞིན་རྟག་བརྟན་ཤོག །མདོ་དང་སྔགས་ཀྱི་ཆོས་ཚུལ་མ་ལུས་པ། །ཐོས་བསམ་སྒོམ་པས་ཉམས་སུ་ལེགས་བླངས་ནས། །འཆད་རྩོད་རྩོམ་པས་དར་ཞིང་རྒྱས་པའི་གླིང་། །མི་ནུབ་ཡུན་དུ་བརྟན་པའི་བཀྲ་ཤིས་ཤོག །ཅེས་བསྐོས་ལེགས་དགོན་གྱི་བསྟན་པ་རྒྱས་བྱེད་ཤིས་བརྗོད་དང་བཅས་རྒྱལ་དབང་པདྨའི་རྒྱལ་ཚབ་ཏུ་ཁས་ཆེ་བ་དུས་མཐའི་གཏེར་མིང་འཛིན་པ་འགྲོ་འདུལ་རིག་འཛིན་ལུང་རིག་གླིང་པ་རྩལ་དུ་འབོད་པའི་སྙོམས་ལས་པ་གང་དེས་སྨྲས་པ་ཐོག་ཐ་བར་གསུམ་དུ་དགེ་བར་གྱུར་ཅིག་གུ།