སེམས་རིག་དབྱེ་བ་རང་གྲོལ་རྟོགས་པའི་གསང་ལམ།
༈ སེམས་རིག་དབྱེ་བ་རང་གྲོལ་རྟོགས་པའི་གསང་ལམ་ཉམས་མྱོང་ལག་ཁྲིད་གནད་ཀྱི་ངོ་སྤྲོད་ཅེས་བྱ་བ་བཞུགས་སོ། །བླ་མ་ལ་ཕྱག་འཚལ་ལོ། །སྤྱིར་སེམས་ཞེས་པ་རང་ངོ་རང་གིས་མ་རིག་པའི་ལས་ཉོན་བག་ཆགས་ཀྱི་སྦུབས་ན་ཀུན་གཞི་ལུང་མ་བསྟན་དེ་ལས་གཟུང་འཛིན་གྱིས་གཞི་སྣང་ལ་འཁྲུལ་བར་བཟུང་བའི་ཁ་ཕྱིར་བལྟས་ཡུལ་ཕྱིར་འབྲང་ནས། དཔེར་ན་ཁྱི་ལ་རྡོ་འཕེན་ན་རྡོ་རྗེས་དེད་པ་བཞིན་རྣམ་རྟོག་བཟང་ངན་ཉེ་བར་ལེན་པའི་ཀུན་འབྱུང་ཡིད་ཀྱི་ཤེས་པས་ངར་འཛིན་འདུ་བྱེད་ཨ་འཐས་ཀྱི་དྲན་པས་ཅི་ཙམ་ཞིག་བསྒོམ་ཀྱང་ཞི་གནས་རྐྱང་པས་རེ་ཞིག་སེམས་གནས་པ་ཙམ་དང་ཉོན་མོངས་པའི་མགོ་བོ་གནོན་ཙམ་མ་གཏོགས་དྲུང་འབྱིན་མི་ནུས་པས་འཁོར་བ་ལས་སྔ་འདྲེས་གཅིག་གིས་མི་འཕགས་པས་གློ་བུར་གྱི་དྲི་མའི་སེམས་དེ་དག་བྱ་རུ་ཤེས་དགོས་སོ། །རིག་པ་ནི་གཞི་སྣང་འཁྲུལ་བར་མ་མཆེད་རང་སྣང་དུ་ཤེས་ན་སྤྱི་གཞི་ལུང་མ་བསྟན་ལས་འཕགས་ཏེ། ཡེ་གཞི་གདོད་ནས་འཁྲུལ་བ་མེད་པ་དཔེར་ན་སེང་གེ་ལ་རྡོ་འཕེན་ན་རྡོ་མི་དེད་འཕེན་བདག་བཟུང་བ་བཞིན་རང་རིག་བདེ་གཤེགས་སྙིང་པོ་སྤྲོས་པ་ཐམས་ཅད་དང་བྲལ་བའི་རིག་པ་སྐུ་གསུམ་གྱི་ངོ་བོ་ཟང་ཐལ་ཕྱི་ནང་བར་མེད་ཀ་དག་ཆོས་སྐུའི་རིག་གདངས་རྒྱ་མཚོ་དྭངས་པ་ལ་གཟའ་སྐར་བཀྲ་བ་ལྟར། སྣ་ཚོགས་སྣང་བའི་ཆོས་ཁམས་བཟང་ངན་གྱི་རྟོགས་ཚོགས་ཇི་ལྟར་སྣང་ཡང་ཐོབ་ཤོར། རེ་དོགས་ཀྱི་བློ་ཕྲ་རགས་བག་ཉལ་དང་བཅས་པ་བྲལ་བའི་ཀ་ལྷུན་ཟུང་འཇུག་གི་རིག་གདངས་མེད་པ་གསལ་སྣང་གོ་མ་འགགས་པ་ཙམ་ལས་ཡུལ་དང་སྐད་ཅིག་ཙམ་ཡང་ཡེ་ནས་འདྲེས་མ་མྱོང་བའི་སྣང་སྟོང་ཟུང་འཇུགརང་ཤེས་རང་དྲན་གྱི་གསལ་ཆ་རང་བབས་སུ་ཡོད་པའི་ཡང་དག་གཉུག་མའི་དྲན་པའམ་ཤེས་བཞིན་ཆེན་པོའི་སྣོད་ཀྱིས་ཡེ་ཟིན་ཡིན་པའི་རང་ཚུགས་ཡེ་ནས་མ་ཤོར་བའི་རྒྱལ་བས་མ་བཅོས། འགྲོ་བས་མ་བསླད་པས་གཞིའི་རིག་པ་མཐའ་གྲོལ་ཆེན་པོ་འདི་ཉིད་ལ་ཐག་ཆོད་དང་ངེས་ཤེས་ནང་ནས་སྐྱེ། སྐྱེ་མཁན་རང་ཡལ་དུ་སོང་། ལྟ་བ་ཡིད་དཔྱོད་ཀྱི་ཡུལ་ལས་འདས། སྒོམ་པ་གཟུང་འཛིན་གྱི་སྦུབས་ནས་ཐོན། སྤྱོད་པ་སྤང་བླང་གི་མཚན་མ་ཞིགའབྲས་བུ་རེ་དོགས་ཀྱི་ཐེ་ཚོམ་དགཡེ་གྲོལ་རང་བབས་ཀྱི་རང་གཤིས་འདི་ལྟར་རྟོགས་ན་རང་བྱུང་གི་ཡེ་ཤེས་སམ་རིག་པ་ཞེས་རང་གི་སེམས་ཉིད་སངས་རྒྱས་ཡིན་པས་གྲོལ་བ་མངོན་དུ་གྱུར་པའི་ལག་རྗེས་མི་ལུས་དོན་ལྡན་ཞེས་མཁས་གྲུབ་ཡོངས་ཀྱིས་བསྔགས་པའི་གནས་ངོ་མཚར་རྨད་དུ་བྱུང་བའོ། །ཞེས་པ་འདི་ཉིད་གནས་གསང་བ་རྡོ་རྗེའི་རྫོང་གི་དབེན་རི་ནས་སློབ་བུ་དད་ལྡན་སོགས་ཀྱིས་བསྐུལ་ངོར་རྣལ་འབྱོར་བ་དྷརྨའི་མིང་གིས་ཤར་མར་བྲིས་པ་སརྦ་མངྒ་ལཾ། དགེའོ། །