ཞེན་ལོག་ཡི་གེ་ཉེར་ལྔའི་ཟིན་བྲིས།
༄༅། །ཞེན་ལོག་ཡི་གེ་ཉེར་ལྔའི་ཟིན་བྲིས་བཞུགས། ཐུན་མཚམས་སུ་དབང་པོའི་ཞེན་པ་ལྡོག་པའི་ཕྱིར། མིག་གཉིས་ལ། ཀརྨ་རཀྵ་གི་ཧཾ་ཏི། ཁ་དོག་ལྗང་སྐྱ། ཡུལ་གཟུགས་མཐོང་བའི་ཚེ་དང་གཟུགས་འཛིན་ཐམས་ཅད་འོད་གསལ་གྱི་རྣམ་ལྡན་དག་པ་རབ་འབྱམས་གསང་སྙིང་སྐབས་དྲན་པར་བྱས་ལ་ཡུལ་དག་པ་ཡིག་འབྲུ་དག་པའི་ངང་ནས་ཡིད་བཟླས་བྱ། ཡང་ལྟེ་འོག་ཏུ་ཐིག་ལེ་ལྗང་ནག་གི་དབུས་སུ་ཡིག་འབྲུ་ལྗང་སྐྱ། སྒྲ་༼གྲགས་ཐོས་པའི་ཚེ་༽བཟང་ངན་བར་མ་གསུམ་སྙན་མི་སྙན་ཐམས་ཅད་ཆོས་ཉིད་ཀྱི་རང་སྒྲ་གསུང་གི་དཀྱིལ་འཁོར་ཡེ་ནས་ཡིན་པ་སད་པར་བྱེད་པ། ༼འདིས་ཉོན་བདུད་ཆོམས། ༽སྔགས་ཀྱི་རང་སྒྲ་སྒྲོག་པར་བསམ། སྣ་བུག་གཉིས་ཀྱིས་རླུང་རྔུབ་དུས་ཀརྨ། གནས་དུས་རཀྵ། འབྱིན་དུས་གི་ཧཾ་ཏི། ཡང་ལྕེའི་དབང་པོའི་སྟེང་དུ་ཀརྨ་སོགས། ཡིག་རྩེ་ལྕེ་རྩེ་ཡིག་སྟེང་ལྕེ་སྟེང་དུ་གཏད་པར་ཁ་དོག་དམར་པོར་གསལ། འདི་རྣམས་དུས་སུ་གཟུགས་སྣང་སྟོང་། སྒྲ་གྲགས་སྟོང་། དྲི་ཚོར་སྟོང་། རོ་མྱོང་སྟོང་། རེག་བདེ་སྟོང་། སྣང་གྲགས་རིག་གསུམ་ལྷ་སྔགས་ཆོས་ཉིད་དུ་གསལ་དགོས། ལུས་འོད་ཀྱི་རང་བཞིན་དུ་གསལ་བའི་ཀརྨ་སོགས་ཡི་གེ་ཁ་དོག་༼སྔོ་༽ལྗང་སྐྱས་ལུས་ཡོངས་རྫོགས་ཁྱབ་པར་བསམ་པའམ་ཡི་གེ་གཅིག་ཡིན་ཀྱང་རུང་། དབང་པོ་སོ་སོའི་ཡུལ་ལ་ཞེན་པས་ཉོན་མོངས་སྐྱེ་བས་ན་ཉོན་མོངས་པའི་བདུད་རེད། ཉོན་བདུད་བཅོམ་པར་བྱེད་པའི་མན་ངག་གོ །ཕུང་པོའི་ཞེན་པ་ལྡོག་པའི་ཕྱིར། །རང་གཞན་གྱི་ཕུང་པོ་ལྔས་བསྡུས་པ་ཐམས་ཅད་རིགས་ལྔའི་ཞིང་། དེ་སོ་སོར་བསྒོམ་ཚུལ་རྣམ་ཤེས་རྣམ་དག་རྡོར་སེམས། ཞེ་སྡང་རྣམ་དག་མེ་ལོང་ཡེ་ཤེས་སུ་སད་བྱེད་ནི། སྤྱི་བོ་བདེ་ཆེན་གྱི་འཁོར་ལོ་ན་ཐིག་ལེ་དཀར་པོའི་དབུས་སུ། བྷེ་ག་ར་ཎ་སོ་གད་གླིང་། ཁ་དོག་དཀར་པོར་གསལ་ལ་བཟླའོ། །རེ་འགའ་སྤྱིར་དམིགས། རེས་བྱེ་བྲག་དམིགས། འདི་རྣམས་ཤི་མཐའི་བར་བསྐྱུར་མི་ཉན། རིག་ཐོག་ནས་ས་འཆོར་མི་རུང་། མཐར་མི་དམིགས་པའི་ངང་དུ་མཉམ་པར་བཞག་གོ །ཡང་མགྲིན་པ་ལོངས་སྤྱོད་ཀྱི་འཁོར་ལོའི་དབུས་སུ་ཐིག་ལེ་དམར་པོའི་དབུས་སུ་ཡི་གེ་ལྷ་སྔགས་སུ་ཤར་བ་ཁ་དོག་དམར་པོ་སོར་རྟོག་ཡེ་ཤེས་ཀྱི་རང་གདངས་སོ། །ཕུང་ལྔ་དུག་ལྔ། སྐུ་ལྔ་ཡེ་ཤེས་ལྔ་ཡིན་པ་གནས་སྣང་ཙམ་མ་གཏོགས་ཁྱད་མེད་པར་ཤེས་པར་བྱེད་པའོ། །སྙིང་གར་ཆོས་དབྱིངས་ཡེ་ཤེས་ཀྱི་རང་གདངས་ཡིག་འབྲུ་མཐིང་གལྟེ་བ་སྤྲུལ་པའི་འཁོར་ལོར་མཉམ་ཉིད་ཡེ་ཤེས་ཀྱི་རང་གདངས་ཡིག་འབྲུ་སེར་པོ། གསང་གནས་བདེ་སྐྱོང་འཁོར་ལོར་བྱ་གྲུབ་ཡེ་ཤེས་རང་གདངས་ལྗང་གུ་གསལ་ཞིང་བཟླས་པས་ཕུང་པོ་ལྔ་རིགས་ལྔའི་ཞིང་དུ་སད་པའི་དགོས་པའོ་གསུངས། འདོད་ཆགས་སྐྱེར་བཅུག་ལ། སྔགས་ཀྱི་ནུས་པས་འདུ་ཤེས་ཀྱི་ཕུང་པོ་དང་འདོད་ཆགས་རྣམ་དག་གསུང་གི་རིགས་སྣང་མཐའ་དང་སོར་རྟོག་ཡེ་ཤེས་སུ་སད་པར་བྱས། དག་མཉམ་གྱི་མདོ་མི་འཆོར་བར་དང་ཐོད་རྒལ་སྐབས་ཞིང་སྐུ་ཕོ་བྲང་གསུམ་གྱི་ཀློང་དུ་ཐོག་མཐའ་གཉིས་སུ་མེད་པའི་འཁྲུལ་སྣང་ཐམས་ཅད་སད་པའམ་ཐིམ་པར་བསམ་དགོས། རིག་ཐོག་ནས་ཡིད་ཀྱི་བཟླས་པ་མཐར་དམིགས་མེད་དུ་བཞག༈ ཡུལ་ཀུན་ཞེན་པ་བཟློག་པའི་ཕྱིར། །བྷ་ག་རི་ལ་བྷ་དྷ་ཏྲི། གཞི་ལས་གཞི་སྣང་ཤར་དུས་འོད་ལྔ་སྣོད་བཅུད་ཀྱི་འཁྲུལ་གཞི་ཞེས་པས་འབྱུང་བ་ཆུ་དང་ཁྲག་ཁམས་གནས་སུ་དག་པར་རམ་སད་པར་བྱེད་ནི་རེད། མེ་ལོང་ཡེ་ཤེས་ཀྱི་རང་གདངས་སྤྱི་བོར་དུང་ཁང་གི་དབུས་སུ་ཡིག་འབྲུ་ཁ་དོག་དཀར་པོ་གསལ་ལ་བཟླས། མཐར་དམིགས་མེད་དུ་བཞག་གོ །ཡུལ་ཕྱི་ནང་སྣོད་བཅུད་གཟུགས་སྒྲ་དྲི་རོ་སོགས་རེད། དེའི་ཤུགས་ལ་ཡེ་ཤེས་ལྔར་སྦྱར་ཚུལ་འདྲ་གསུངས། མགྲིན་པར་འོད་དམར་པོའི་ཀློང་དུ་ཡིག་འབྲུ་དམར་པོར་སོར་རྟོག་ཡེ་ཤེས་ཀྱི་རང་གདངས་མེ་དང་དྲོད་སངས་རྒྱས་སྣང་བ་མཐའ་ཡས་ཀྱི་ཞིང་དུ་སད་བྱེད་དོ། །སྙིང་གར་ཆོས་དབྱིངས་ཡེ་ཤེས་ཀྱི་རང་གདངས་འོད་མཐིང་ག་ཡིག་འབྲུ་བསྒོམས། བཟླས་པས་སྔགས་འོད་མཐིང་ག་ཕྱིའི་ནམ་མཁར་དང་། ནང་རྩ་སྦུབས་སྟོང་པར་འཁྲུལ་པ་རང་སར་སད་པའི་མན་ངག་སྔགས་ཀྱི་ནུས་མཐུས་སོ། །ཐོད་རྒལ་སྐབས་འོད་ལྔ་ལ་ལྟོས། ལྟེ་བར་མཉམ་ཉིད་ཡེ་ཤེས་ཀྱི་རང་གདངས་འོད་སེར་པོར་ཤར་བར་འཁྲུལ་སྣང་ཕྱི་འབྱུང་ས་དང་། ནང་འབྱུང་ཤ་དང་རུས་པར་སྣང་བ་གནས་ཚུལ་ལྟར་སད་བྱེད་ཡིག་འབྲུ་ཁ་དོག་སེར་པོ་གསལ་ཞིང་བཟླ། གསང་བར་བྱ་གྲུབ་ཡེ་ཤེས་ཀྱི་རང་གདངས་འོད་ལྗང་གུ་ཕྱི་འབྱུང་རླུང་དང་ནང་འབྱུང་དབུགས་སུ་སྣང་བ་གནས་ཚུལ་ལྟར་སད་བྱེད་ཡིག་འབྲུ་ལྗང་གུ་གསལ་ཞིང་བཟླ། ཐོད་རྒལ་སྐབས་སུ་ཡང་དེ་ལྟར་ངེས་ཤེས་བརྟན་པོའི་ངང་ནས་ཡིད་བཟླས་བྱ་ཞིང་། ཞིང་སྐུ་ཕོ་བྲང་གསུམ་དུ་སད་པར་བསམ་ལ་བལྟའོ། །འཁྲུལ་སྣང་འདི་དག་ཐོག་མཐའ་གཉིས་ན་མེད་ཚུལ་དེ་ལྟར་ཤེས་སོ། ༈ །སེམས་ཀྱི་དངོས་པོ་སྤུར་བའི་ཕྱིར། །རྃ་པ་ཀ་ལ་ས་མི་ཁྱེ། ཞེས་པ་སེམས་ནི་མི་དྲན་དགུ་དྲན་འདིའོ། །དངོས་པོ་སྐུ་གསུམ། སྤུར་ཞེས་པ་ཀ་དག་གི་དབྱིངས་སུ་གྲོལ་བའོ། །ཁྲེགས་ཆོད་ཀྱིས་ཤེས་རིག་གི་རང་ཚུགས་མི་ཟིན་ནི་རེད། ཐོད་རྒལ་ཡད་ཡུད་དམ་དུམ་ལས་མི་བརྟན་པ་བརྟན་བྱེད་ཀྱི་མན་ངག་རེད། སེམས་རིག་གི་ཤན་ཕྱེས་ནས་རིག་པ་གཏད་དགོས། སེམས་གཏད་ན་གཟུང་འཛིན་ཡིན་པས་འཁོར་བར་འཕེན། རིག་པ་གཟུང་འཛིན་མེད་པའོ། །སྨིན་མཚམས་སུ་འཁོར་ལོ་ཁ་དོག་དཀར་པོ་ཡིག་འབྲུ་ཁ་དོག་དཀར་སྔོ་སོགས་གང་རུང་ཆོགགཡོན་དུ་བཀོད་གཡས་སུ་འཁོར་བར་དམིགས་ལ་བཟླ། འཁོར་ལོ་དང་བཅས་པ་དལ་བུས་འཁོར་བར་དམིགས། གཡས་གཡོན་དང་ཡས་མས་སུ་བསྡུ་ལུགས་ཡོད་ཀྱང་དབྱིངས་སུ་བསྡུས་པས་ཆོགའཆི་བདག་གི་བདུད་བཅོམ་པའི་མན་ངག་གོ །སོ་སོར་ཡིག་འབྲུ་བཅས་འོད་དུ་ཞུ་སྙིང་གར་ཐིམ་པར་བསམ། ༈ བྱུང་ཚོར་གནས་སུ་གཅད་པའི་ཕྱིར། །ལྔ་པ་ཀུན་གཞི་ཆོས་སྐུར་སད་བྱེད་ནི། ཀུན་གཞི་དངོས་བཟུང་ལ་སྙིང་ག་དང་སྨིན་མཚམས་སོར་བརྒྱད་ཙམ་གང་རུང་ལ་ཡིག་འབྲུ་ཁ་དོག་དཀར་པོ། མ་ཏཾ་ཕ་ཕེར་ར་མི་ཏི། བརྩེགས་མར་གསལ་ལ་བཟླ། ཚོར་བ་བདེ་སྡུག་བར་མ་གསུམ་རིག་པའི་རྣམ་རོལ་དུ་སད་པའམ་སྣང་སྲིད་དག་པ་རབ་འབྱམས་སུ་རིག་ཐོག་ནས་དམིགས་མཐར་དམིགས་མེད་དུ་བཞག༈ འདུས་ཚོགས་སྣང་བ་ངོས་བཟུང་ཕྱིར། །ཞེས་འདུས་ཚོགས་སྣང་བ་འཁོར་འདས་ཀྱི་ཆོས་ཐམས་ཅད་ངོས་བཟུང་ནི། གནས་ཚུལ་དག་པ་རབ་འབྱམས་དྲན་དགོས་ཏེ་སྤྱི་བོར་ཁྲུ་གང་ཙམ་གྱི་སྟེང་དུ་ཡིག་འབྲུ་དཀར་པོ་ཤེལ་ལྟ་བུར། ཁ་ཊ་རེ་ཀྵ་ས་མིག་རླུང་། རང་སྒྲ་སྒྲོགས་པ་དང་བཅས་པས་དགོངས་བརྡ་སྙན་བརྒྱུད་གྱི་བླ་མ་ཕྱོགས་བཅུའི་རྒྱལ་བ་སྲས་བཅས་ཐུགས་དམ་བསྐུལ། སྐུ་གསུང་ཐུགས་ཀྱི་བྱིན་རླབས་ཐམས་ཅད་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་རྒྱ་མཚོར་ཁ་ཆར་བབས་པ་ལྟར་ཡིག་འབྲུ་རྣམས་ལ་ཐིམ་ཡི་གེ་རྣམས་ལས་ངོ་བོ་ཐུགས་རྗེ། རྣམ་པ་བདུད་རྩི་དཀར་པོའི་རྒྱུན་བབས། ལུས་ཤེལ་བུམ་འོ་མས་གང་བ་ལྟར་བསམ། མཐར་འོད་ཀྱི་རྣམ་པར་སྙིང་དབུས་སུ་བསྟིམས། མི་ཤིགས་པའི་འོད་གསལ་ལ་བསྟིམས་ལ་མཉམ་པར་བཞག་གོ །དག་མཉམ་གྱི་མདོ་འཆོར་མི་རུང་གསུངས། ༈ རིག་པ་བཙོན་རར་གཞུག་པའི་ཕྱིར། །སྨིན་མཚམས་ནས་སོར་བཅུ་དྲུག་གི་ཐད་དུ་ཐིག་ལེ་དཀར་པོ་རེའི་དབུས་སུ་ཡིག་འབྲུ་དཀར་པོ། ཨེ་ཀ་ར་ཎ་བྷེ་ཙཀྴགསལ་ཞིང་རླུང་སེམས་ལྷོད། རིག་པ་གཏོད། རེ་འགའ་ལུག་རྒྱུད་ལ་གཏོད། མཐར་ཡས་ནས་མར་ཐིམ་སྙིང་གར་བསྡུས་ལ་མཉམ་པར་བཞག་གོ །༈ འཁྲུལ་བའི་རང་རྒྱུད་ཁུངས་གཅད་ཕྱིར། སེམས་ཅན་ཐམས་ཅད་ཀྱི་རྒྱུད་ན་གཉུག་མའི་དེ་ཉིད་བཞུགས་ཀྱང་། སེམས་སེམས་བྱུང་དང་བཅས་པས་སྒྲིབ་པས་སེམས་སེམས་བྱུང་ཐམས་ཅད་ཡིག་འབྲུའི་རྣམ་པར་གསལ་བ་ནི། རླུང་ནང་དུ་རྔུབ་དུས་ཡ་རི། གནས་དུས་མུ་ཏྲ། འབྱིན་དུས་ས་གུ་ལི། ཁ་དོག་དཀར་པོ་ཟུངས་ལ་གཉིད་གུང་དང་ནམ་སད་དུས་སུའོ། །ཉིན་མོ་ཆགས་སྡང་ཤུགས་དྲག་དུས་སུ་དེ་ལྟར་གསལ་བཟླས་བྱས་པས་དེས་མི་སྒྲིབ་པར་གཞིའི་ཀློང་དུ་དྭངས་དགོས། ༈ རིགས་དྲུག་རིམ་གྱིས་བསྒྲལ་བའི་ཕྱིར། །ཡ་སིང་ར་རླུང་པ་ལ་ཡ། །རྣམ་ཤེས་ཀྱི་ངོ་བོ་རྐང་མཐིལ་དུ་༼དུ་ཡིག་མགོ་ཐུར་བསྟན་ཡིན་༽དུད་ཁའི་རྣམ་པར་གྱུར། སྤྱིར་དམྱལ་ཁམས་བཅོ་བརྒྱད། ཁྱད་པར་མནར་མེད་ཀྱི་སྡུག་བསྔལ་མྱོང་བར་བསམ། གནས་དེའི་སེམས་ཅན་རྣམས་ལུས་སྣང་སྟོང་སྐུ། ངག་གྲགས་སྟོང་གསུང་། ཡིད་དྲན་སྟོང་ཐུགས་སུ་གྱུར་བར་བསམ། ཡང་སྔ་མ་གནས་གྱུར་ཏེ་གསང་གནས་སུ་པྲེ་༼མགོ་ཐུར་བསྟན་༽དམར་སྐྱར་བསམ། ཡི་དྭགས་བྱིང་གནས་ཁ་འཐོར་མཁའ་རྒྱུའམ་ཕྱི་ནང་སྒོས་ཁུར་སོགས་ཀྱི་སྡུག་བསྔལ་དུས་གཅིག་མྱོང་བར་བསམ། ཡང་གནས་གྱུར་དེ་ལྟེ་བར་ཏྲི་༼མགོ་ཐུར་བསྟན་༽སེར་སྐྱ་ལ་དུད་འགྲོ་བྱིང་གནས་ཁ་འཐོར་གྱི་སྡུག་བསྔལ་མྱོང་བར་བསམ་ལ་ཡ་སིང་ར་རླུང་པ་ལ་ཡ་བཟླ། ལུས་སྣང་སྟོང་སོགས་སྔར་ལྟར་རོ། །གཤིན་པོ་དང་རང་གི་སྒྲིབ་སྦྱ ོང་ལ་ཤིན་དུ་ཟབ་བོ། ཏྲི་ཡིག་གནས་གྱུར་དེ་སྙིང་གར་ནྲྀ་ཡིག་མཐིང་སྐྱར་གྱུར་ཏེ་གླིང་བཞི་གླིང་ཕྲན་སོགས་ཀྱི་མིའི་སྡུག་བསྔལ་ཐམས་ཅད་རང་ལ་ཐིམ། མྱོང་བར་བསམ། གནས་གྱུར་དེ་མགྲིན་པར་སུ་ལྗང་སྐྱར་གྱུར་ལྷ་མིན་གྱི་སྡུག་བསྔལ་དུས་གཅིག་མྱོང་། ཡང་གནས་གྱུར་དེ་སྤྱི་བོར་ཨ་ཐལ་སྐྱར་གྱུར་ལྷའི་སྡུག་བསྔལ་ཐམས་ཅད་རང་གིས་མྱོང་བར་བསམ་ལ་བཟླའོ། །རང་མ་ཤི་བའི་ལུས་སེམས་སྟོར་ཏེ་ཤི་ཚར་ནས་བར་དོའི་སྐབས་ཀྱི་འདུན་པ་བཏང་ལ་༼རྒྱུན་ཆགས་སུ་༽རྣམ་ཤེས་ཀྱི་ངོ་བོའི་ཨ་དེ་སྙིང་གའི་དབུས་རྩ་མཐིང་ནག་གཏི་མུགཤར་རྩ་དཀར་པོ་ཞེ་སྡང་། ལྷོ་རྩ་སེར་པོ་ང་རྒྱལ་སོགས་སྣང་ཚུལ་མ་དག་སྐབས་དུག་ལྔ་ཕུང་ལྔ་འབྱུང་ལྔ་དག་པའི་སྐབས་ཡེ་ཤེས་ལྔ་རིགས་ལྔ་ཡུམ་ལྔའི་རང་བཞིན་ནོ། །ཤར་རྩ་དཀར་པོ་ནས་ཞུགས་རྡོ་རྗེ་སེམས་དཔའི་ཞིང་དུ་བརྫུས་དེ་སྐྱེས། རྡོ་རྗེ་སེམས་དཔའ་འཁོར་བཅས་མཆོད་རྫས་དུ་མས་མཆོད། ལོ་བརྒྱ་ཉེར་ལྔ་བཞུགས་པར་མོས་། སྔགས་བཟླ། དབུགས་ཆེན་འབྱིན་པའི་ཞིང་ལྔ་འདི། གཞིའི་རང་རྩལ་ལས་ཤར་བའི་རང་སྣང་ལོངས་སྐུར་ཤེས་དགོས། ཐོ་རངས་༼སྲོད་ལ་༽རྒྱུའི་ཆོས། ཉི་དྲོས་༼ནམ་ཕྱེད་ན་༽ཕྱི་རྒྱུད་སྡེ་གསུམ། ཉིན་ཕྱེད་༼ཐོ་རངས་༽ནང་རྒྱུད་གསུམ། སྲོད་ལ་༼ཉི་མ་ཕྱེད་ན་༽འབྲས་བུ་རྫོགས་པ་ཆེན་པོའི་ཆོས་རྣམས་ཡོད། རྡོར་སེམས་དང་ཐུགས་ཡིད་བསྲེ། ལྷོ་རྩ་ནས་ཨ་ཡིག་སེར་པོར་གྱུར་ནས་ཞུགས་དེ་བརྫུས་དེ་སྐྱེས་དུས་ལུས་ཀྱི་ཁ་མ་༼དོད་ཐུབ་༽ཨ་རེད། མཆོད་པས་མཆོད། རྫོགས་ཆེན་མན་ཆད་ཞུས། རིན་ཆེན་འབྱུང་ལྡན་དང་ཐུགས་ཡིད་བསྲེ། རིགས་ལྔའི་སངས་རྒྱས་འདི་རྣམས་རིག་པའི་ལྡོག་ཆ་ཙམ་ལ་གོ་དགོས་ཕྱི་རོལ་ན་མེད། སྲིད་པ་བར་དོ་ནང་ལྟར་སྦྱང་བ་འདི་ལས་གཞན་མེད་དོ། །ནུབ་རྩ་དང་བྱང་རྩ་ནས་ཞུགས་དུས་ཨ་དམར་པོ་དང་ལྗང་གུ་མ་གཏོགས་འདྲ། དབུས་སུ་རྣམ་ཤེས་ཨ་མཐིང་གར་གསལ་ལ་རིགས་བཞིའི་ཞིང་གི་སྟེང་མེ་རི་འབར་བའི་ཞིང་ཡེ་ཤེས་བླ་མ་ལྟར་རོ། །གཞོན་ནུ་དཔའ་བོ་སྟོབས་ལྡན་མཐོང་མ་ཐག་ཤེས་སྒྲིབ་ལྷག་ལུས་མེད་པར་དགཐུགས་ཡིད་བསྲེ་མཉམ་པར་འཇོག༈ འཁོར་བ་དོང་ནས་འདོན་པའི་ཕྱིར། །ཞེས་འཁོར་བ་ཁམས་གསུམ་རེད། རང་ཉིད་ཀུན་ཏུ་བཟང་པོར་བསྐྱེད། རིག་པའི་ངོ་བོ་སྙིང་གར་ཡི་གེར་བསམ། དེ་ལས་ཉི་ཟེར་གྱི་རྡུལ་ལྟར་གྲངས་མེད་པ་འཕྲོས། མ་མཱ་ཀོ་ལིང་ས་མནྟ། རིགས་དྲུག་གི་སེམས་ཅན་རྣམས་ཀྱི་སྤྱི་བོ་ནས་ཞུགས། སྒྲིབ་གཉིས་བག་ཆགས་དགརིག་འཛིན་རྒྱལ་བའི་གོ་འཕང་ཐོབ་པར་བསམདེ་ཡང་ལྷའི་གནས་སུ་ཡི་གེ་དཀར་པོ། ལྷ་མིན་གནས་སུ་ཡི་གེ་ལྗང་གུ། མིའི་གནས་སུ་དམར་པོའམ་ཁ་དོག་སྣ་ཚོགས། དུད་འགྲོའི་གནས་སུ་སེར་པོའམ་མཐིང་གཡི་དྭགས་ཀྱི་གནས་སུ་ཐལ་སྐྱ། དམྱལ་གནས་སུ་དུད་ཁ་འཕྲོས་པར་བསམ་ལ་བཟླ། ས་གཡོ་དང་ཉི་ཟླ་གཟས་ཟིན་དུས་ཤིན་ཏུ་གལ་ཆེའོ། །སྐྱབས་སེམས་བསྔོ་བ་བཅས་ཚང་མཐར་མི་དམིགས་པར་མཉམ་པར་འཇོག་གསུངས། ༈ ཆོས་ཅན་ཐུར་དུ་གཞུག་པའི་ཕྱིར། །གྷ་རིང་ཡཾ་པ་རི་མཾ་ཏི། ཞེས་སྐྱབས་གནས་ཀུན་འདུས་ཀྱི་ངོ་བོ་དྲིན་ཆེན་རྩ་བའི་བླ་མ་དེ་ཉིད་རེ་འགའ་སྤྱི་བོའི་གཙུག་ཏུ་བསྒོམ། རེ་འགའ་སྙིང་གི་དབུས་སུ་བསྒོམ། ཐུགས་ཡིད་བསྲེ། རིག་པ་སད་པར་བྱས། ཆོས་ཉིད་དོན་གྱི་བླ་མ་སྐུ་གསུམ་འདུ་འབྲལ་མེད་པའི་རིག་པ་རེད། གཟུགས་སྣང་བླ་མའི་སྐུ། སྒྲ་གྲགས་གསུང་། དྲན་རྟོགས་ཐུགས་སུ་གསལ་ལ་སྐད་ཅིག་སྐད་ཅིག་གིས་སད་པར་བྱས། ཡི་གེ་ཁ་དོག་མཐིང་ནག་གོ །༈ རོལ་བའི་བྱུང་ཁུངས་སྤུར་བའི་ཕྱིར། །ཞེས་སྣང་སྲིད་འཁོར་འདས་ཀྱི་ཆོས་ཐམས་ཅད་ཆོས་ཉིད་ཀྱི་རོལ་པ་ཡིན། བྱུང་ཁུངས་ཆོས་ཀྱི་དབྱིངས་སོ། །སྤུར་བ་སྐུ་གསུམ་འདུ་འབྲལ་མེད་པའི་ཀློང་དུ་གྲོལ་བར་བྱེད་པའོ། །དེ་ཡང་ལས་ཉོན་གྱིས་བསྐྱེད་པའི་འདུས་བྱས་ཀྱི་ཕུང་པོ་དང་། མ་དག་པའི་ཕྱི་ནང་སྣོད་བཅུད་ཐམས་ཅད་ཡིག་འབྲུ་ཁ་དོག་དཀར་གསལ་འོད་ཀྱི་རང་བཞིན་གྱིས་ཉི་རྡུལ་འཁྲིགས་པ་ལྟར་གྲངས་མེད་པས་ཕར་ཐལ་ཚུར་ཐལ་བྱས་ཏེ་ཕུང་ལྔ་རིགས་ལྔ་འབྱུང་ལྔ་ཡུམ་ལྔའི་རང་བཞིན་དུ་སད་དེ་ཐོད་རྒལ་གྱི་སྣང་ཆ་དང་ཡིག་འབྲུ་དབྱེར་མེད་དུ་བསམ་ལ། བྷུ་ག་སིང་ཧ་ཕ་གྷ་ལ། རང་ལུས་འོད་ཀྱི་ཕུང་པོར་གྱུར་བར་བསམ། ༈ ཞེན་པའི་ཕྲེང་ཐག་བཅད་པའི་ཕྱིར། །ཞེས་པ་ཞེན་པ་འཁོར་བ། ཕྲེང་ཐག་ཡུལ་ཅན། འཛིན་པ་བཅད་པ། གྲོལ་བའོ། །དེ་ཡང་མ་དག་པར་འཛིན་དུས་དག་པར་རང་སྣང་ཡེ་ཤེས་ཀྱི་དཀྱིལ་འཁོར་དང་ཡུལ་ཅན་ཡེ་ཤེས་སུ་སད་དགོས་ནི་རེད། རྣམ་རྟོག་ཤར་དུས་མ་དག་པའི་ཡུལ་དང་ཡུལ་ཅན་ཡིག་འབྲུར་གསལ་དགོས། ར་མི་པི་པི་ཁེ་ཏ་པ། མཐར་དམིགས་མེད་དུ་འཇོག༈ ལུག་རྒྱུད་ཨར་ལ་གཏད་པའི་ཕྱིར། །བི་ཁུ་མ་ལ་པ་ཏཾ་ཀིཞེས་པ་ཕྱི་ནང་གི་དབྱིངས་རིག་འདྲེས་ཤིང་གོང་ནས་གོང་དུ་འཕེལ་བའི་མན་ངག་ནི་ནང་གི་རིག་པའི་ངོ་བོ་སྟོང་། རང་གདངས་འགགས་པ་མེད་པ་སྒྲིབ་གཡོག་དང་བྲལ་བ་ཕྱིའི་དབྱིངས་ཐིག་རིག་གསུམ་ཤར་བའི་ལུ་གུ་རྒྱུད་ཀྱི་སྟེང་དུ་ཡིག་འབྲུ་དཀར་པོ་སྤུས་བྲིས་པ་ལྟ་བུ་གསལ་ཞིང་དལ་བུས་བཟླ། ཡང་རེ་འགའ་ལུག་རྒྱུད་དང་དབྱེར་མེད་དུ་གསལ་ལ་བཟླ། ལུག་རྒྱུད་མ་ཤར་དུས་སྟོང་སྒྲོན་གྱི་ཀློང་དུ་གསལ། མཐར་དམིགས་མེད་དུ་འཇོགཡིག་འབྲུ་གཅིག་ཡིན་ཀྱང་རུང་། མང་པོ་ཡིན་ཀྱང་རུང་། རིག་པ་རྗེན་ལ་ཕུད་དེ་བསྒོམས་གསུངས། ༈ ལྷ་ཡི་ཕྱག་རྒྱ་བལྟ་བའི་ཕྱིར། །ཞེས་པ་སྐུ་ཕྱག་རྒྱ་སྟེ་དབྱིངས་ཐིག་རིག་གསུམ་ཞིང་སྐུ་ཕོ་བྲང་གསུམ་དུ་སད་དགོས། དེ་སྐུ་མཐར་ཐུག་ལུག་རྒྱུད་ཡིན། ༼དབྱིངས་ཐིག་ཀློང་དུ་ཁྲིད་༽དེ་ལུག་རྒྱུད་བཞུགས་ཚུལ་དང་མཐུན་པར་ས་མ་ཉི་ཝ་དྷེ་ར་པ། ཡིག་འབྲུ་དཀར་གསལ་ལུག་རྒྱུད་ཀྱི་སྟེང་དང་། རེ་འགའ་ལུག་རྒྱུད་ཡི་གེའི་རང་བཞིན་དུ་གསལ། འདི་གལ་ཤིན་ཏུ་ཆེ། དུས་ཆེན་རྣམས་ལ་འདོན་དགོས། མཉམ་པར་འཇོག༈ ལྟ་བསྒོམ་ལོག་པ་དག་བྱའི་ཕྱིར། །ཞེས་པ་སྙིང་དབུས་ཀྱི་འོད་གསལ་སད་པར་བྱས། དེའི་ངང་ལས་མ་འདས་ན་ཡེ་བསྲུང་རྒྱལ་པོ་ཆེན་པོའི་དམ་ཚིག་ཞེས་དམ་ཚིག་མི་ཉམས། དེ་ལས་ཡེངས་དུས་ཕྱིན་ཅི་ལོག་གི་ལམ་རེད། སྐད་ཅིག་སྐད་ཅིག་གིས་དྲན་པས་རིག་པ་སད་པར་བྱས། ལོག་པ་དག་པའི་མན་ངག་ནི་ཡི་གེ་ཁ་དོག་དཀར་གསལ་དྲི་མ་མེད་པ། བཛྲ་ས་ཏྭ་ཌྀ་དྷྲོ་མེ། སྙིང་དབུས་སུ་རིག་པ་དང་དབྱེར་མེད་དུ་གསལ་ལ་བཟླ། མཐར་དམིགས་མེད་དུ་བཞག་མཉམ་པར་འཇོག༈ ས་ལམ་དུས་གཅིག་བཅད་པའི་ཕྱིར། །ཞེས་ཐེག་དགུའི་ཡང་རྩེ་རེད་ནི་རིག་སྟོང་ཟུང་འཇུག་དེ་ཉིད་རྗེན་ལ་ཕུད། དེ་དང་ཐུགས་ཡིད་དབྱེར་མེད་བསྲེ། བྱིང་རྨུག་གཉིད་གསུམ་གྱི་དྲི་མས་གོས་མི་བཅུག་པར་ཡིག་འབྲུ་ཁ་དོག་གང་རུང་ཡིད་ཡུལ་དུ་གསལ། གྷེ་པ་སུ་གྷར་རྣ་མ་ཡེ། ཞེས་བཟླ་མཐར་དམིགས་མེད་དུ་མཉམ་པར་འཇོགབར་སྐབས་ཐོད་རྒལ་ལ་བལྟ། ༈ ཡིད་དཔྱོད་ལྟ་བ་ཁུང་བཅད་ཕྱིར། །ཞེས་པ་ཡིད་དཔྱོད་གོལ་ས་གསུམ། ནོར་ས་བཞི། ཤོར་ས་བརྒྱད་རེད། ཚོགས་བདུན་ནམ་བརྒྱད་ཀྱི་ཤེས་པ་ཡུལ་དང་བཅས་པ་ཡིག་འབྲུའི་རྣམ་པར་གསལ། དྷརྨ་པ་ཏི་ས་གྷུ་ལི། ཁ་དོག་དཀར་མཐིང་སོགས་གང་རུང་ཆོགཁྱད་པར་ཡིད་ཤེས་སྐྱེས་ནས་དུས་གསུམ་ལ་སྔོན་བསུ་རྗེས་དཔྱོད་མཚན་འཛིན་བྱེད་དུས་ཡིག་འབྲུའི་རང་བཞིན་དུ་གསལ། ཚོགས་བརྒྱད་ཡུལ་དང་བག་ཆགས་དང་བཅས་པ་དག་བྱེད་ཀྱི་མན་ངག་རེད། རེ་འགའ་ཐོད་རྒལ་གྱི་དབྱིངས་ཐིག་དང་ཁྱད་པར་ལུག་རྒྱུད་༼དང་དབྱེར་མེད་དུ་གསལ་ལ་༽ལ་ལྟོས། དེ་ལ་རིག་ཐོག་ནས་ལྟ་ཤེས་ན་གོལ་ས་མེད། མཐར་དམིགས་མེད། ༈ སྐུ་གསུམ་ལམ་དུ་སློང་བའི་ཕྱིར། །ཞེས་པ་གཟུགས་སྣང་སྐུ། སྒྲ་གྲགས་གསུང་། དྲན་རྟོག་ཐུགས་ཏེ་དེ་གསུམ་སྐུ་གསུམ་གྱི་སྣང་ཆ་རེད། ནང་གི་སྐུ་གསུམ་གྱི་རིག་པ་སད་པར་བྱེད་ཅིང་ལམ་དུ་བྱེད་པའོ། །རང་ལུས་འོད་ཀྱི་རང་བཞིན་ལ། གཡས་རོ་མ་དཀར་པོ། གཡོན་རྐྱང་མ་དམར་པོ། དབུས་དབུ་མ་མཐིང་གའི་ནང་ཐམས་ཅད་ཡིག་འབྲུ་ཁ་དོག་དང་མཐུན་པར་ཉི་རྡུལ་འཁྲིགས་པ་ལྟར་གསལ་ལ་བཟླ། རེ་འགའ་ཐོད་རྒལ་ལ་བལྟ། རསྨི་ས་མ་ཁརྒད་ཚེ། མཐར་དམིགས་མེད་དུ་བཞག༈ ཆོས་ཉིད་མངོན་སུམ་གྱི་སྣང་བ་དངོས་སུ་སད་པའི་ཕྱིར་དུ། །རང་གི་སྨིན་མཚམས་ཀྱི་ཐད་པད་ཟླའི་གདན་ལ་བླ་མ་དང་དབྱེར་མེད་པ་རྡོ་རྗེ་སེམས་དཔའ་ཡབ་རྐྱང་། ཤེལ་གྱི་རྡོ་རྗེ་རྩེ་ལྔ་པ་ཐུགས་ཀར་གཏོད་པ། གཡོན་དྲིལ་བུ་དཀུར་བརྟེན་པ། ཕྱག་གི་རྡོ་རྗེའི་ལྟེ་བར་ཨ་དཀར་པོའི་མཐར་སྔགས་ཕྲེང་དཀར་གསལ་གཡས་སུ་འཁོར་བ་ལ་སེམས་གཏད་དེ་ཡིད་བཟླས་བྱ། མཐར་ལྷ་འོད་དུ་ཞུ་སྟེ་རྡོ་རྗེ་ལ་ཐིམ། རྡོ་རྗེ་སྔགས་ཕྲེང་ཨ། ཨ་སྙིང་དབུས་སུ་ཐིམ་པར་བསམ་ལ་མཉམ་པར་བཞགརུ་ུཔ་ས་མི་མི་ཏ་ལཾ། ༈ སྒྲ་ཡི་ཞེན་པ་མཐའ་བཅད་ཕྱིར། །ཞེས་སྒྲ་ནི་འབྱུང་བཞིའི་སྒྲ་སོགས་སྒྲ་གྲགས་ཐམས་ཅད་རང་ད་ལྟ་རྣ་བའི་སྒྲ་འུར་འུར་བ་འདི་ཤི་དུས་འབྲུག་སྟོང་དུས་གཅིག་ལ་གྲགས་པ་ལྟ་བུ་ཆོས་ཉིད་ཀྱི་རང་སྒྲ་རེད། ད་ལྟའི་སྒྲ་གྲགས་ཐམས་ཅད་སྔགས། ང་ཏི་པ་ལ་ཀི་ལི་ས། རང་སྒྲར་བསམ། ཁ་དོག་གསལ་མི་དགོས། རེ་འགའ་མི་གསུང་མཉམ་པར་བཞག་པ་སྔགས་ཀྱི་རྒྱལ་པོ་རེད་ནི་རིག་སྟོང་ཟུང་འཇུག་གི་ངང་ལ་བཞགསྒྲ་གྲགས་ཐ་མལ་དུ་མི་འཛིན་པར་སྔགས་སུ་གསལ་དགོས། མཐར་དམིགས་མེད་དུ་བཞག་གོ །༈ བསམ་གཏན་ཆེན་པོའི་ས་གནོན་ཕྱིར། །ཞེས་པ་ནི་ངོ་བོ་རང་བཞིན་ཐུགས་རྗེ་གསུམ་རེད། སྐུ་གསུམ་འདུ་འབྲལ་མེད་པ་ལ་ཡང་ཡང་གོམས་འདྲེས་བྱས་ནས་ཡིག་འབྲུའི་ཁ་དོག་གང་རུང་ཆོགཡིད་བཟླས་བྱ། རེ་འགའ་དབྱིངས་ལ་གཏད། རེ་འགའ་རིག་ཆ་རྗེན་པར་གཏད། རེ་འགའ་ཐོད་རྒལ་ལ་གཏད། མཐར་དམིགས་མེད་དུ་མཉམ་པར་འཇོགགཙྪ་པ་ཡཾ་ས་ཨི་ཏཾ། ༈ ཕྲིན་ལས་མཐའ་རུ་དབྱུང་བའི་ཕྱིར། །ཞེས་པ་དུས་གསུམ་སངས་རྒྱས་ཐམས་ཅད་ཀྱི་དགོངས་པ་སྐུ་གསུམ་འདུ་འབྲལ་མེད་པའི་རིག་པ་རེད། དེ་ལ་ཡང་ཡང་གོམས་ཤིང་འདྲིས་པར་བྱས་པས་ཚེ་འཕོས་མ་ཐག་ཏུ་སངས་རྒྱས་ཏེ་ཕྲིན་ལས་རྣམ་པ་བཞིས་འགྲོ་བའི་དོན་མཛད་དོ། །དེའི་ཚུལ་ཡི་གེའི་ཁ་དོག་ཞི་བ་དཀར་པོ་སོགས་སྤྱི་མགྲིན་སྙིང་ག་སོགས་སུ་གསལ་ལ་བཟླ། རེ་འགའ་ཐོད་རྒལ་གྱི་སྟེང་དུ་གསལ། ཀརྨ་ཨེ་ཀ་ཨ་ནུ་ུས། སེམས་ཅན་གྱི་ཁམས་ལ་བརྩེ་བའི་སྙིང་རྗེ་སྐྱེ་ཁ་བཅུགཕྲིན་ལས་རྣམ་བཞིའི་འགྲོ་བའི་དོན་མཛད་པར་དམིགས། མཐར་སྐྱེ་མེད་ཀྱི་ངང་ལ་མཉམ་པར་བཞག༈ སངས་རྒྱས་མངོན་ཞེན་བཟློག་པའི་ཕྱིར། ཞེས་པ་ཐེག་པ་འོག་མའི་སེམས་ལམ་བྱེད་ཀྱིས་སངས་རྒྱས་ཐོབ་པར་འདོད་པའི་མངོན་ཞེན་ཡིད་དཔྱོད་ལྡོག་པའི་ཕྱིར། །འདིར་རིག་པ་ལམ་དུ་བྱེད་དེ། རིག་སྟོང་ཀ་དག་གི་ཀློང་དུ་འཁྲུལ་རྟོག་ཐམས་ཅད་དྭངས་བར་བྱེད་ཅིང་ཡེ་ཤེས་དང་ཡོན་ཏན་རྒྱས་པར་བྱེད་དགོས་ཏེ། ལུས་འོད་ཀྱི་རང་བཞིན་དུ་གསལ། སྙིང་དབུས་སུ་ཡི་གེ་དཀར་མཐིང་གང་རུང་། སནྡྲི་མ་མ་ཀརྨ་ཏ། གསལ་བཟླས། རེ་འགའ་ཁྲེགས་ཆོད་ལ། རེ་འགའ་ཐོད་རྒལ་ལ་བལྟ་དུས་ཡིག་འབྲུ་སྙིང་དབུས་སུ་གསལ། མཐར་དམིགས་མེད་དུ་མཉམ་པར་བཞགསངས་རྒྱས་མངོན་ཞེན་བཟློག་པའི་ཕྱིར། །ཞེས་པ་འཁྲུལ་བ་འཁྲུལ་སྣང་དང་བཅས་པ་སངས་ཤིང་ཡེ་ཤེས་རྒྱས་པའི་ཆེད་དོ། །འཁྲུལ་བ་དག་པའི་རྒྱུ་དང་། ཡེ་ཤེས་རྒྱས་པའི་རྒྱུ་བྱེད་པ་དང་། མདོར་ན་བློ་འཁྲུལ་བ་ཡུལ་དང་བཅས་པ་སངས་ཤིང་། རང་སྣང་སྐུ་དང་ཡེ་ཤེས་ཀྱི་དཀྱིལ་འཁོར་རྒྱས་པའི་ཕྱིར་དུ། རང་ལུས་འོད་ཀྱི་རང་བཞིན་ཅན་གྱི་སྙིང་དབུས་སུ་ཡིག་འབྲུ་ཁ་དོག་དཀར་མཐིང་གང་རུང་གི་དམིགས་བཟླས་བྱ་ཞིང་མཐར་དམིགས་མེད་དུ་བཞག
༈ རྒྱལ་སྲས་རྣམས་ཀྱི་གནས་བཙལ་ཕྱིར། །ཞེས་པ་རྒྱལ་སྲས་ནི་སངས་རྒྱས་ཀྱི་རིག་པ་འཛིན་པ། གནས་སྐུ་གསུམ་འདུ་འབྲལ་མེད་པའི་ཆོས་སྐུ་ལོངས་སྐུ་སྤྲུལ་སྐུའི་ཡེ་ཤེས་གསུམ་འདུ་འབྲལ་མེད་པ་རེད།
དེ་ཡང་ཡིག་འབྲུ་ཁ་དོག་གང་རུང་ཆོགསྤྱིར་རྣམ་པར་ཤེས་པའི་ཚོགས་བརྒྱད་དང་། བྱེ་བྲག་ཏུ་སྒོ་ལྔའི་རྣམ་ཤེས་ཡུལ་ལ་གཡོ་བའི་དུས་གང་ཤར་ལ་སྦྱར་ཏེ་དམིགས་བཟླས་ཀྱིས་དེ་ཉིད་འོད་གསལ་ཉག་གཅིག་གི་རྣམ་རོལ་དུ་སད་འགྲོ་དགོས་ནི་རེད། འཆི་དུས་དབུགས་ལ་སླེབས་ན་གྲོལ། ཚོགས་བརྒྱད་ཡུལ་དང་བཅས་པ་ཤར་དུས་དཔེར་ན་གཟུགས་མཐོང་དུས་ཡུལ་གཟུགས་དང་སྦྱར་ནས་ཡིག་འབྲུ་ཁ་དོག་གང་རུང་། ང་ལ་ཁེ་པ་ཀི་ལི་ས། ཡུལ་ཅན་ཤེས་པ་ལ་སྦྱར། གྲོལ་བར་བྱས་ལ་གསལ། བཟླས་ཏེ་མཐར་དམིགས་མེད་དུ་མཉམ་པར་བཞག༈ དུས་ཆེན་རྣམས་དང་ཉི་ཟླ་གཟས་ཟིན་དུས་ཀློང་ལྔའི་ཡི་གེ་གྲངས་མེད་སྤྲོས་ཏེ་རིགས་དྲུག་གི་སེམས་ཅན་ཐམས་ཅད་ཀྱི་སྤྱི་བོ་ནས་ཞུགས། ལུས་སྣང་སྟོང་སྐུའི་དཀྱིལ་འཁོར་འོད་ཀྱི་རང་བཞིན། ངག་གྲགས་སྟོང་གསུང་གི་རང་བཞིན། ཡིད་དྲན་རྟོགས་ཐུགས་ཀྱི་རང་བཞིན། གསལ་བཟླས་སོ། །སྙིང་ཀར་ཐིམ་པས་ཚོགས་དྲུག་གཟུང་འཛིན་གྱི་བསྡུས་པའི་འཁྲུལ་རྟོག་ཐམས་ཅད་རང་སར་གྲོལ་བར་བསམ་ལ། ཡིག་དྲུག་ཡིད་བཟླས་བྱ། དེ་ནས་སྲིད་ཞི་ཐམས་ཅད་ཡིག་འབྲུར་གསལ་བའི་ངང་ནས་བཟླ། ༈ རང་ཉིད་ཀུན་ཏུ་བཟང་པོར་བསྐྱེད་པའི་ཐུགས་ཀ་ནས། དང་པོ་དམྱལ་བ་ནས་རེ་རེ་བཞིན་དྲུག་པོ་སོ་སོར་སྦྱང་། མཐར་རིགས་དྲུག་གི་སེམས་ཅན་གྱིས་སྔར་ལྟར་སྦྱང་། མདོར་ན་དག་མཉམ་སད་པར་བྱས། རིག་པ་རྗེན་ལ་ཕུད་དེ་ཁྲེགས་ཆོད་དང་རེ་འགའ་ཐོད་རྒལ་བསྒོམས། དག་མཉམ་དེ་གའི་ངང་ནས་བསྒོམས་བཟླས་ལ་འབད་དགོས་གསུངས།
༈ བླ་མ་ཧེ་རུ་ཀ་པའི་ཆ་བྱད་ཅན་༼སྐུ་མདོག་མཐིང་ནག་༽སྐུ་གཅེར་བུ། ཕྱག་༼སྡིག་མཛུབ་དང་བཅས་༽ན་རྡོ་རྗེ་མེ་འབར་བ། ཕྱག་གཡོན་ན་ཀ་པ་ལ་ཁྲག་གིས་བཀང་བ་ཞལ་དུ་གསོལ་བ། དབུ་ལ་ཐོད་སྐམ་གཅིག་གིས་བརྒྱན་པ། སྟག་ལྤགས་ཀྱི་གདན་ལ་འགྱིང་སྟབས་སུ་བཞུགས་པ་༼མི་ལྤགས་ཀྱི་གདན་ལ་རྒྱལ་པོ་རོལ་སྟབས་སུ་བཞུགས་པར་༽༼གསོལ་བ་བཏབ་པས་༽གསལ་བའི་སྐུ་༼རྡོ་རྗེ་༽ལས་ཡེ་ཤེས་ཀྱི་མེ་འབར་བས་ཕུང་ཁམད་སྐྱེ་མཆེད་ཐམས་ཅད་ལྷག་མེད་དུ་བསྲེགས་ཤིང་སྦྱང་བའི་དབུས་སུ་རྟེན་མེད་རིག་པའི་ངོ་བོ་ཡི་གེ་ཨ་དཀར་པོ་གསལ་ལ་འཚེར་བ་གསལ་བའི་མདུན་ནས་བརྩམ་ཏེ་གཡོན་སྐོར་དུ་བཀོད་དགོས་ཏ། དེ་ཡང་མ་དག་མིང་གཟུགས་ཀྱི་ངོ་བོ། དག་པ་ཆོས་ཉིད་དེ་བཞིན་ཉིད་ཀྱི་ཡེ་ཤེས་ཀྱི་རང་གཟུགས་འ་དཀར་པོགསལ་བ་དང་། མ་དག་སྒྲ་ཡི་ངོ་བོ་དག་པ་མེ་ལོང་ཡེ་ཤེས་ཀྱི་རང་གཟུགས་ཨ་དཀར་པོ་དང་། མ་དག་དྲི་ཡི་ངོ་བོ་དག་པ་མཉམ་ཉིད་ཡེ་ཤེས་ཀྱི་རང་གཟུགས་ཧ་སེར་པོ་དང་། མ་དག་རོ་ཡི་ངོ་བོ་དག་པ་སོར་རྟོག་ཡེ་ཤེས་ཀྱི་རང་གཟུགས་ཤ་དམར་པོ་དང་། མ་དག་རེག་བྱའི་ངོ་བོ་དག་པ་བྱ་གྲུབ་ཡེ་ཤེས་ཀྱི་རང་གཟུགས་ས་ལྗང་གུ། མ་དག་ཡིད་ཆོས་ཀྱི་ངོ་བོ་གནས་སུ་དག་པ་ཆོས་དབྱིངས་ཡེ་ཤེས་ཀྱི་རང་གཟུགས་མ་མཐིང་ག་རྣམས་གསལ་ནས་གཡས་སུ་དལ་བུས་འཁོར་བའི་ཚེ། སྔགས་ཕྲེང་འཁོར་བའི་ཡིག་འབྲུ་དེ་རྣམས་ལས་དེ་འདྲ་བའི་ཡིག་འབྲུ་གྲངས་བསམ་གྱིས་མི་ཁྱབ་པ་འཕྲོས་ཏེ་འགྲོ་བ་རིགས་དྲུག་གི་སེམས་ཅན་རྣམས་ཀྱི་སྤྱི་བོ་ནས་ཞུགས་སྙིང་གར་ཐིམ་པས་ཚོགས་དྲུག་གཟུང་འཛིན་གྱིས་བསྡུས་པའི་འཁྲུལ་རྟོག་ཐམས་ཅད་རང་སར་གྲོལ་ནས་ཐམས་ཅད་སངས་རྒྱས་པར་བསམ་ལ། ཡིག་དྲུག་ཡིད་བཟླས་བྱ། དེ་ནས་སྲིད་ཞི་ཐམས་ཅད་ཡིག་འབྲུར་གསལ་བའི་ངང་ནས་བཟླ།
མཐར་ཡིག་འབྲུ་དེ་དག་བསྡུས་ནས་སྔགས་ཕྲེང་གི་མ་མཐིང་ག་ལ་ཐིམ། མ་ས་ལ་ཐིམ། ས་ཤ་ལ་ཐིམ། ཤ་ཧ་ལ་ཐིམ། ཧ་ཨ་ལ་ཐིམ། ཨ་འ་ལ་ཐིམ། འ་ཨ་ལ་ཐིམ། ཨ་ཡང་མི་དམིགས་པའི་ངང་ལ་མཉམ་པར་འཇོག་པའོ། །སྣང་གྲགས་རིག་གསུམ་ཐམས་ཅད་གུ་རུ་རིན་པོ་ཆེའི་སྐུ་གསུང་ཐུགས་ཀྱི་རོལ་པར་ལྟོས་ལ་ཞག་ཆ་ཤས་དེ་ལྟར་མཛོད། ཡུལ་རྐྱེན་དང་བསྲེས་ལ་གང་ལ་ཡང་སྤང་བླང་བཅོས་བསྒྱུར་མ་བྱེད་ཐུགས་ཡིད་དབྱེར་མེད་དུ་བསྲེས་ལ་སྦྱོང་། ས་ཏྭ་ཅུང་རེ་དང་འོད་དཔག་མེད་མཚན་བརྒྱ་རེ་མ་ཆགཉམས་ལེན་མ་སྐྱུར་གསུངས། དེ་ལྟར་གསུངས་ཀྱང་། འཁོར་བ་དོང་སྤྲུགས་སྐབས། འ་ཨ་ཧ་ཤ་ས་མ། ཞེས་འ་ཨ་དཀར་པོ། ཧ་སེར་པོ། ཤ་དམར་པོ། ས་ལྗང་གུམ་མཐིང་ག་འོ། །དེ་ཡང་སྦྱང་བྱ་གཟུགས་རང་རྒྱུད་དུ་ཞེན་པ། སྦྱོང་བྱེད་འ་དཀར་པོ། སྦྱངས་འབྲས་ཆོས་ཉིད་དེ་བཞིན་ཉིད་ཀྱི་ཡེ་ཤེས། སྦྱང་བྱ་སྒྲ་རང་རྒྱུད་པར་ཞེན་པ། སྦྱོང་བྱེད་ཨ་དཀར་པོ། སྦྱངས་འབྲས་མེ་ལོང་ལྟ་བུའི་ཡེ་ཤེས། སྦྱང་བྱ་དྲི་རང་རྒྱུད་དུ་ཞེན་པ། སྦྱོང་བྱེད་ཧ་སེར་པོ། སྦྱངས་འབྲས་མཉམ་ཉིད་ཡེ་ཤེས། སྦྱང་བྱ་རོ་རང་རྒྱུད་པར་ཞེན་པ། སྦྱོང་བྱེད་ཤ་དམར་པོ། སྦྱངས་འབྲས་སོ་སོར་རྟོག་པའི་ཡེ་ཤེས། སྦྱང་བྱ་རེག་བྱའི་ཞེན་རྟོགསྦྱོང་བྱེད་ས་ལྗང་གུ། སྦྱངས་འབྲས་བྱ་བ་གྲུབ་པའི་ཡེ་ཤེས། སྦྱང་བྱ་ཡིད་ཆོས་ཀྱི་ཞེན་རྟོགསྦྱོང་བྱེད་མ་མཐིང་གསྦྱངས་འབྲས་ཆོས་དབྱིངས་ཡེ་ཤེས་ཏེ། ཡེ་ཤེས་ཕྱི་མ་འདི་གཉིས་གོང་འོག་ངེས་མེད་དུ་གསུངས། དགེའོ། །
བསྐལ་མགོན་དྲུག་ཅུ་མཚན་དོན་གསེར་ཡིག་ཅན་ནང་བསྟན་བུ་ལེའུ་བདུན་པའི་གཉིས་པ་ཡིན་སྙམ་དཔྱོད། ལེའུ་དང་པོ་རྒྱུད་ཆེ་བའི་ཡོན་ཏན་བསྟན་པ་དང་། གཉིས་པ་རྒྱུད་འདིས་སངས་རྒྱས་ཀྱི་གདུང་ཇི་ལྟར་སྤེལ་བ་བསྟན་པ་དང་། གསུམ་པས་ཕྱིས་ཇི་ལྟར་འབྱུང་བ་བསྟན་པ་དང་། བཞི་བས་ཚེ་འདིར་བསྒོམ་ཞིང་ཉམས་རྟོགས་མཐར་ཕྱིན་ཏེ་ཟག་པ་མེད་པར་བསྟན་པ་དང་། ལྔ་པས་འགྲོ་བའི་དོན་དུ་ཐུན་མོང་གི་ལས་བསྟན་པ་དང་། དྲུག་པས་བཏགས་པས་གྲོལ་བའི་སྙིང་པོ་བསྟན་པ་དང་། བདུན་པས་རྒྱུད་འདི་འདུས་མ་བྱས་པར་བསྟན་པའོ། །འདི་དྲུག་པ་ལྟར་གསུངས།