འཕྲལ་དང་ཡུན་གྱི་བདེ་བ་སྒྲུབ་པའི་ཆེད་དུ་ལས་འབྲས་ཀྱི་རང་བཞིན་ལ་བསམ་པ།
༈ གསུམ་པ་འཕྲལ་དང་ཡུན་གྱི་བདེ་བ་སྒྲུབ་པའི་ཆེད་དུ་ལས་འབྲས་ཀྱི་རང་བཞིན་ལ་བསམ་པ་ལ། ཐམས་ཅད་ལས་ཀྱིས་བྱས་པ་མདོར་བསྟན་པ། ལས་འབྲས་ཀྱི་རང་བཞིན་རྒྱས་པར་བཤད་པ་གཉིས་ལས། དང་པོ། དེ་གོ་དགེ་ཀུན་གྱིས་བསྟན། གཉིས་པ་རྒྱས་པར་བཤད་པ་ལ། ལས་འབྲས་ཀྱི་རང་བཞིན་སྤྱིར་བསྟན་པ། དགེ་སྡིག་གི་ལས་བྱེ་བྲག་ཏུ་བཤད་པ་གཉིས། དང་པོ་ལ། ལས་སྤྱིའི་རང་བཞིན་བསྟན་པ། ཐར་ལམ་ལ་སྒྲིབ་པའི་ལས་གཞན་བསྟན་པ། ལས་ཀྱི་ཁྱད་པར་བསྟན་པ་དང་གསུམ། དང་པོ་ལས་སྤྱིའི་རང་བཞིན་བསྟན་པ་ལ་ལྔ་སྟེ། གང་ཞིང་སྐྱེ་ལས་ཀྱིས་ལས་སྣ་ཚོགས་པ། ས་གྲིབ་གཟུགས་ཚོགས་ཀྱིས་ལས་ཆུད་མི་ཟ་བ། བསོད་མཐོ་རྣམ་ལས་ཀྱིས་མི་དགེ་བ་དང༌། མནར་དགེ་གཡུལ་དམ་གྱིས་དགེ་བའི་ལས་མཐུ་ཆེ་བ། ལ་ལ་ལ་སྡིག་གིས་འཁོར་བར་མི་དགེ་བ་དབང་བཙན་པ། གང་ཡུལ་སྡིག་རྣམ་གྱིས་ལས་བགོ་བྱར་མེད་པར་བསྟན་ནོ། །གཉིས་པ་ཐར་ལམ་ལ་སྒྲིབ་པའི་ལས་གཞན་བསྟན་པ་ལ། རྙེད་སྙན་གང་བྱིས་ཀྱིས་འཇིག་རྟེན་
པའི་ཆོས་བརྒྱད། རིགས་སྙོམས་མངོན་དཀའ། བ་རྐམ་ཟིལ་གཞན་གནོད་ཀྱིས་འཇིག་རྟེན་པའི་ཆོས་བཅུ་གསུམ་བསྟན། གསུམ་པ་ལས་ཀྱི་ཁྱད་པར་བསྟན་པ་ལ་གསུམ། འཁོར་ས་སྦོམ་སྲན་གྱིས་ལས་འཕེལ་བའི་ཁྱད་པར་དང༌། གང་ཨ་ཡལ་དགེས་དེའི་དཔེ། གང་དཀར་ལས་སྦྱོར་གྱིས་ལས་དཀར་ནག་གིས་ཁྱད་པར་དང༌། རྩ་རྩ་བསམ་དགེས་དེའི་དཔེ། འདི་ཡོན་རྣམ་ཉེས་ལྕི་ཡང་གི་ཁྱད་པར་བསྟན་པའོ། །དགེ་སྡིག་གི་ལས་བྱེ་བྲག་ཏུ་བཤད་པ་ལ། ལས་ཀྱི་རྟེན་གཞི་བཤད་པ་དང༌། ལས་དངོས་བཤད་པ་གཉིས། དང་པོ་ཀུན་དེ་ཀུན་ཉོན་ཞེས་པས་བསྟན། གཉིས་པ་ལས་དངོས་བཤད་པ་ལ། མི་དགེ་བ་བཤད་པ། དགེ་བ་བཤད་པ་གཉིས། དང་པོ་ལ། དོ་ཟླ་མེད་པ་དཀོན་མཆོག་ལ་བརྟེན་པ་བཤད་པ། དེ་ལས་གཞན་པའི་ལས་ཀྱི་རྣམ་གྲངས་བསྟན་པ་གཉིས། དང་པོ་ཇི་གཉེན་དཀོན་སྡིག་གིས་བསྟན། གཉིས་པ་རྒྱུ་བཤད་པ་དང་འབྲས་བུ་བཤད་པ་གཉིས། དང་པོ་རྒྱུ་བཤད་པ་ལ། དེ་རང་མཐའ་ལུས་སྤང་གིས་མདོར་བསྟན། རྒྱས་པར་བཤད་པ་ལ། ལུས་ལོག་འདུ་ཕྱོགས་ཀྱིས་སྲོག་གཅོད། མ་ཕྱོགས་ཀྱིས་མ་བྱིན་ལེན།
འདོད་ཕྱོགས་ཀྱིས་འདོད་ལོག་སྟེ་ལུས་ཀྱི་ལས་གསུམ། ངག་ཕྱོགས་ཀྱིས་རྫུན། ཕྲ་ཕྱོགས་ཀྱིས་ཕྲ་མ། ངག་ཕྱོགས་ཀྱིས་ངག་ཀྱལ། ཚིག་ཕྱོགས་ཀྱིས་ཚིག་རྩུབ་སྟེ་ངག་གི་བཞི། ཡིད་གཞན་ཕྱོགས་ཀྱིས་བརྣབ་སེམས། གནོད་ཕྱོགས་ཀྱིས་གནོད་སེམས། ལོག་ཕྱོགས་ཀྱིས་ལོག་ལྟ་སྟེ་ཡིད་ཀྱི་ལས་གསུམ་མོ། །གཉིས་པ་འབྲས་བུ་བཤད་པ་ལ། བསྟན་བཤད་བསྡུ་གསུམ་ལས། ཀུན་རྣམ་ཀྱིས་མདོར་བསྟན། རྒྱས་པར་བཤད་པ་ལ། རྣམ་སྨིན་གྱི་འབྲས་བུ། རྒྱུ་མཐུན་གྱི་འབྲས་བུ། དབང་གི་འབྲས་བུ། སྐྱེས་བུ་བྱེད་པའི་འབྲས་བུ་དང་བཞི། དང་པོ་རྣམ་སྨིན་གྱི་འབྲས་བུ་རྣམ་ཀུན་འབྲིང་གིས་བསྟན། རྒྱུ་མཐུན་པའི་འབྲས་བུ། རྒྱུ་ཞེས་པའི་རྐང་པ་གཅིག་གིས་མདོར་བསྟན། བྱེད་ཅེས་པའི་རྐང་པ་གཅིག་གིས་བྱེད་པ་རྒྱུ་མཐུན། མྱོང་རིམ་གྱིས་མྱོང་བ་རྒྱུ་མཐུན་མདོར་བསྟན། འཚོ་ཡོ་ཁྱིམ་གྱིས་ལུས་ཀྱི། བསྐུར་འཁོར་ཚིག་མིས་ངག་གི །ཆོག་གནོད་ལྟས་ཡིད་ཀྱི་ལས་ཀྱི་མྱོང་བ་རྒྱུ་མཐུན་བསྟན་པའོ། །དབང་གི་འབྲས་བུ། དབང་ཞེས་པའི་རྐང་པས་མདོར་བསྟན། སྲོག་ས་ལོ་སྲོག་གིས་སྲོག་གཅོད། མ་
བཟའ་སད་མུས་མ་བྱིན་ལེན། ལོག་དྲི་མི་ཡུལ་གྱིས་ལོག་གཡེམས། རྫུན་གཞན་གྱིས་རྫུན། ཕྲ་བགྲོད་ཀྱིས་ཕྲ་མ། བརྗོད་སྡོང་ཚྭ་ཡིད་ཀྱིས་ཚིག་རྩུབ། བཀྱལ་དུས་ཀྱིས་བཀྱལ་ཀ༌།བརྣབ་གནས་ཀྱིས་བརྣབ་སེམས། གནོད་ཆོམ་ལོ་རང་གིས་གནོད་སེམས། ལོག་འབྱོར་མེ་སྐྱབས་ཀྱིས་ལོག་ལྟའི་དབང་འབྲས་བསྟན། སྐྱེས་མང་གིས་སྐྱེས་བུ་བྱེད་པའི་འབྲས་བུ་བསྟན་ནོ། །འདི་འཁོར་ཉེར་བཟོད་ཀྱིས་དེ་དག་གིས་དོན་བསྡུ་བའོ། །གཉིས་པ་དགེ་བའི་ལས་བཤད་པ་ལ། བསོད་ནམས་ཆ་མཐུན་གྱི་དགེ་བ་བཤད་པ་དང༌། ཐར་པ་ཆ་མཐུན་གྱི་དགེ་བ་བཤད་པ་གཉིས། དང་པོ་ལ་དེ་མཐོ་མི་དགེས་དགེ་བའི་ལས་བཅུ་ངོས་བཟུང༌། དེ་བདེ་ངན་བླང་གིས་བླང་དོར་གྱི་གནས་བསྟན་པའོ། །གཉིས་པ་ལ། ཐར་དགེ་ཚོགས་ཀྱིས་ཐར་པ་ཆ་མཐུན་སྤྱིར་བསྟན། དེ་ཐབས་སྲིད་ཐེབས་གྲུབ་ཀྱིས་ཐེག་ཆེན་ཐར་པ་ཆ་མཐུན་བྱེ་བྲག་ཏུ་བཤད་པ། ལམ་དམིགས་སྒྲིབ་དག་གིས་དག་པའི་རྒྱུ་འབྲས་བསྟན། ཡོན་ཏན་ལས་རྒྱུ་འབྲས་ཞེས་པས་ལེའུའི་མཚན་བསྟན་པའོ།། །།