སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་བཞི་སྤང་བླངས་བགྱི་བའི་ལེའུ།
༈ གསུམ་པ་སྐྱེས་བུ་འབྲིང་དང་ཐུན་མོང་བའི་ལམ་དུ་བདེན་བཞི་སྤང་བླངས་བགྱི་བའི་ལེའུ་ལ་གསུམ། བདེན་པ་བཞིའི་རང་བཞིན་མདོར་བསྟན་པ། སྡུག་བདེན་གཙོ་བོར་གྱུར་བའི་བདེན་བཞི་རྒྱས་པར་བཤད་པ། མཐར་ཐུག་སྐྱེ་མེད་ཀྱི་ལམ་ལ་སྤྱོད་དགོས་པར་གདམས་ནས་འཇུག་བསྡུ་བའོ། །དང་པོ་ནི། མངོན་རེ་བཏང་འཕགས་ཞེས་པས་བསྟན། གཉིས་པ་རྒྱས་པར་བཤད་པ་ལ། བདེན་བཞི་དངོས་བཤད་པ་དང༌། བདེན་བཞི་འཇུག་ལྡོག་གི་གཞི་རྟེན་འབྲེལ་བཅུ་གཉིས་བཤད་པ་གཉིས། དང་པོ་ལ། སྡུག་བསྔལ་གྱི་བདེན་པ་བཤད་པ་དང༌། བདེན་པ་ལྷག་མ་གསུམ་བཤད་པ་གཉིས། དང་པོ་སྡུག་བསྔལ་གསུམ་གྱི་རང་བཞིན་མདོར་བསྟན། སྡུག་བསྔལ་གྱི་རྣམ་གྲངས་རྒྱས་པར་བཤད་པ་གཉིས། དང་པོ། དེ་གནས་སྡུག་དམ་ཞེས་པས་བསྟན། གཉིས་པ་རྣམ་གྲངས་རྒྱས་པར་བཤད་པ་ལ། འཁོར་བ་སྤྱིའི་སྡུག་བསྔལ་བསྟན་པ། འགྲོ་བ་སོ་སོའི་སྡུག་བསྔལ་བསྟན་པ་གཉིས། དང་པོ་ལ། བདེ་བ་སྒྲུབ་པ་སྡུག་བསྔལ་གྱི་རྒྱུར་བསྟན་པ། སྡུག་བསྔལ་གྱི་རྣམ་པ་དངོས་བཤད་པ་གཉིས། དང་པོ་ལ་གསུམ། ཕུང་མ་ཕན་ཐར་གྱིས་ཡུལ་དང་ཡུལ་ཅན་དུ་འགྲེལ་ཚུལ། བདེ་གཏི་མཚོན་གནོད་ཀྱིས་སྤྱིར་འདོད་པའི་ཡུལ་གྱིས་བསླུ་བ། མར་
སྒྲ་རི་འདོད་ཀྱིས་བྱེ་བྲག་འདོད་པའི་ཡུལ་ལྔས་བསླུ་བ་བསྟན་ནོ། །གཉིས་པ་སྡུག་བསྔལ་གྱི་རྣམ་པ་དངོས་བཤད་པ་ལ་བཞི། སྲིད་ཁྲོ་མི་སྡུག་གིས་འཁོར་བའི་སྡུག་བསྔལ་མཐུ་ཆེ་བ། བདག་བསམ་དགྲ་ཕན་གྱིས། དགྲ་གཉེན་མ་ངེས་པས་ཕན་གནོད་འཆོལ་བར། རྡུལ་སྲོག་མགོ་སྤུངས་ཀྱིས་ལུས་ཡང་ཡང་འདོར་བའི་ཉེས་དམིགས། དམྱལ་ཡི་ཀུན་ཕྱོགས་ཀྱིས་ཚེ་རབ་བརྒྱུད་མར་སྡུག་བསྔལ་གྱིས་གདུང་བ་བསྟན་པའོ། །གཉིས་པ་འགྲོ་བ་སོ་སོའི་སྡུག་བསྔལ་བསྟན་པ་ལ། དམྱལ་བའི་སྡུག་བསྔལ་བསྟན་པ། ལྷའི༴ ལྷ་མ་ཡིན་གྱི༴ མིའི་སྡུག་བསྔལ་བསྟན་པ་དང་བཞི། དང་པོ་དམྱལ་བའི་སྡུག་བསྔལ་བཤད་པ་ལ། ཚ་དམྱལ་བཤད་པ། ཉེ་འཁོར༴ གྲང་དམྱལ༴ ཉི་ཚེ༴ དེ་དག་གི་དོན་བསྡུ་བ་དང་ལྔ། དང་པོ་ཚ་དམྱལ་བཤད་པ། ཁྱད་ཕན་ཐིག་བསྡུས། དུ་འབོད་ཚ་རབ། ལུས་ཁྲོ་ལྕགས་ཞེས་པས་བསྟན། གཉིས་པ་ཉེ་འཁོར། སྡུག་ཉེ་རོ་ཆུས་ལྷག་པ་བཅུ་དྲུག་དང༌། མཛའ་ཚེར་འབར་འཁྱུད་ཀྱིས་ཤལ་མ་རི་བསྟན། གསུམ་པ་གྲང་དམྱལ། བུ་བཅིང་རླུང་གྲང་གིས་གྲང་དམྱལ་སྤྱི། ཆུ་ཨ་ཨུད་པད་བརྒྱད་སྲོག་
གིས་བྱེ་བྲག་བསྟན། བཞི་པ་ཉེ་འཁོར་འགལ་སྒོ་སྣ་ཉེ་ཞེས་པས་བསྟན་ནོ། །ལྔ་པ་དོན་བསྡུ་དེ་རྦ་ལྷ་བརྟན་ཞེས་པས་བསྟན་ནོ། །གཉིས་པ་ལྷའི་སྡུག་བསྔལ་བསྟན་པ་ལ། ཁམས་གོང་མའི་སྡུག་བསྔལ་བཤད་པ་དང༌། འདོད་ལྷའི་སྡུག་བསྔལ་བཤད་པ་གཉིས། དང་པོ་གཟུགས་ཟད་གཟུགས་འོག་ཞེས་པས་བསྟན། གཉིས་པ་ལ་ལྔ། ཚངས་སྤྲིན་སྐབས་འཐུང་གིས་རྒྱུ་ཟད་པས་འབྲས་བུ་འཛད་པར་བསྟན། མནན་ལྷ་རྐང་ལྕགས་ཀྱིས་ལྷའི་གཙོ་བོ་རྣམས་ཀྱང་འཕོ་ལྟུང་གི་གནས་ལས་མ་འདས་པར་བསྟན། མཐོ་རེག་གཞལ་སྤང་གིས་ལྷ་གཞན་འཕོ་ལྟུང་གི་སྡུག་བསྔལ། གོས་རྡུལ་ཉེ་འཆིས་འཆི་འཕོ་བའི་ལྟས་ལྔ། གཉའ་ག་དྲུག་སླན་ལོང་གིས་གནས་སྐབས་འགྱུར་བའི་ཚུལ་བསྟན་པའོ། །གསུམ་པ་ལྷ་མིན་གྱི་སྡུག་བསྔལ་ལྷ་དགྲ་དཔུང་མགོ་ཞེས་པས་བསྟན། བཞི་པ་མིའི་སྡུག་བསྔལ་ལ། རྩ་བའི་སྡུག་བསྔལ་གསུམ་བཤད་པ། སྡུག་བསྔལ་གྱི་རྣམ་གྲངས་གཞན་བསྟན་པ་གཉིས། དང་པོ་ལ་གསུམ། མཚོ་མི་སྡུག་མཛེས་སྡུག་བསྔལ་གྱི་སྡུག་བསྔལ། མངོན་འདོད་བཟའ་མིག་གིས་འགྱུར་བའི༴ རྐང་ངལ་དེ་གཡང་གིས་འདུ་བྱེད་ཀྱི་སྡུག་
བསྔལ་བསྟན། གཉིས་པ་སྡུག་བསྔལ་གྱི་རྣམ་གྲངས་གཞན་བསྟན་པ་ལ་བསྟན་བཤད་གཉིས། དང་པོ། དེ་སྐྱེ་སྨོན་སྡུག །འདོད་ཉེར་རྣམ་མིས་མདོར་བསྟན། གཉིས་པ་རྒྱས་པར་བཤད་པ་ལ། སྐྱེ་བའི་སྡུག་བསྔལ། རྒ་བའི༴ ན་བའི༴ འཆི་བའི། མི་སྡུག་པ་དང་འཕྲད་པའི༴ སྡུག་པ་དང་བྲལ་བའི༴ འདོད་དང་མི་འདོད་ལོག་པར་འབྱུང་བའི་སྡུག་བསྔལ་དང་བདུན། དང་པོ། སྐྱེ་བའི་སྡུག་བསྔལ་ལ་ལྔ། ཤིན་ཀུན་མངལ་མ་ཞེས་པས་འཇུག་དུས་ཀྱི་སྡུག་བསྔལ། མེར་རུས་གནས་དབང་གིས་ལུས་གྲུབ་དུས་ཀྱི། བདུན་བརྟས་མ་རྣམ་གྱིས་བརྟས་དུས་ཀྱི། བཙའ་བཟོད་སྡུག་མ་གཅིག་གིས་བཏཟ་འདུས་ཀྱི། མངལ་སྲན་སྔོན་རེག་གིས་བཙས་རྗེས་ཀྱི་སྡུག་བསྔལ་ལོ། །གཉིས་པ་རྒ་བའི་སྡུག་བསྔལ་ལ། རྒ་ཉམས་བསྐྱོད་འགྲོས་ལུས་རྒས་པའི་སྡུག་བསྔལ། དབང་ཡུལ་ཚ་འདུས་ཀྱིས་སེམས་རྨོངས་པའི་སྡུག་བསྔལ་བསྟན་པའོ། །གསུམ་པ་ན་བའི་སྡུག་བསྔལ་རང་རྙོག་ཕུང་འཚོས་བསྟན། བཞི་པ་འཆི་བའི་སྡུག་བསྔལ་སྲིད་ཐུག་རྣམ་ལོངས་ཀྱིས་བསྟན། ལྔ་པ་དགྲ་མི་སྡུག་པ་དང་འཕྲད་པའི་སྡུག་བསྔལ་མི་
ཕོ་བདེ་དབུགས་ཀྱིས་བསྟན། དྲུག་པ་གཉེན་བྱ་མས་པ་དང་བྲལ་བའི་སྡུག་བསྔལ། བྱམས་གདུང་ནོར་ལམ་གྱིས་བསྟན། བདུན་པ་འདོད་དང་མི་འདོད་ལོག་པར་འབྱུང་བ། འདོད་བཀྲེས་གཞན་སྡུག་ཅེས་པས་བསྟན་ནོ། །དོན་གཉིས་པ་བདེན་པ་ལྷག་མ་གསུམ་བསྟན་པ་ལ། གཟུགས་འདུ་ཕྱིན་སྡུག་གིས་འཁོར་བའི་རྒྱུ་འབྲས་སྤྱིར་བསྟན། ཕུང་ཀུན་ཀུན་ཀུན་གྱིས་ཀུན་འབྱུང་སྤོང་བ་བྱེ་བྲག་ཏུ་བསྟན། དེ་བདེན་ཞེས་པས་ལམ་རྒྱུད་ལ་བརྟེན་པ། འགོག་ཐར་ཞེས་པས་འགོག་པ་མངོན་དུ་བྱ་བ་བསྟན་ནོ། །གཉིས་པ་བདེན་བཞི་འཇུག་ལྡོག་གི་གཞི་རྟེན་འབྲེལ་བཅུ་གཉིས་བཤད་པ་ལ་གཉིས། རྟེན་དེ་དེ་དེ་དེ་དེ་སྐྱེ་མྱ་ཕུང་གིས་ལུགས་འབྱུང༌། སྐྱེ་རྟེན་རྒྱལ་གྱིས་ལུགས་ལྡོག་བསྟན། མཐར་ཐུག་སྐྱེ་མེད་རྟོགས་བྱར་གདམས་པས་འཇུག་བསྡུ་བ། དེ་མཐོ་ཀུན་སྐྱེ་ཞེས་པས་བསྟན། ཡོན་ཏན། འཁོར་བ་ཞེས་པས་ལེའུའི་མཚན་བསྟན་པའོ།། །།