ལམ་གྱི་རྟེན་གཞི་བཅའ་བ་སྐྱབས་སུ་འགྲོ་བའི་ལེའུ།
༈ གཉིས་པ་ལམ་གྱི་རྟེན་གཞི་བཅའ་བ་སྐྱབས་སུ་འགྲོ་བའི་ལེའུ་ལ། སྐྱབས་འགྲོའི་རང་བཞིན་མདོར་བསྟན་པ་དང༌། རྒྱས་པར་བཤད་པ་གཉིས། དང་པོ། འཇིགས་སྐྱབས་དཀོན་བསྟན་ཞེས་པའི། རྐང་པ་བཞིའི་དང་པོས་རྒྱུ་གཉིས་པ་དང་གསུམ་པས་ཡུལ་བཞི་པས་སྐྱབས་སུ་འགྲོ་ཚུལ་མདོར་བསྟན། གཉིས་པ་རྒྱས་པར་བཤད་པ་ལ། སྐྱབས་འགྲོའི་འཇུག་སྒོ་བསྟན་པ་དང༌། སྐྱབས་འགྲོ་དངོས་བསྟན་པ་གཉིས། དང་པོ། སྐྱབས་འགྲོའི་འཇུག་སྒོ་དད་པ་བརྟེན་པ་ལ། དད་པའི་ངོ་བོ། །
དད་པའི་དབྱེ་བ། དད་པའི་རྒྱུ་བསྟན་པ་དང་གསུམ། དང་པོ་ངོ་བོ་ལ། ཐར་རྟེན་སྐྱབས་སྟོན་གྱིས་ཡོན་ཏན་ཤེས་པའི་དད་པའི༴ ཆོས་སྐྱེས་སྟོན་མོད་ཀྱིས་མོས་གུས་ཀྱི་དད་པའི་ངོ་བོ་བསྟན་པ་གཉིས། གཉིས་པ་དབྱེ་བ་དེ་དེ་རྣམ་སྲོག་ཅེས་པས་བསྟན། གསུམ་པ་རྒྱུ་ལ་རྒྱུ་བཞི་སྤྱིར་བསྟན་པ། རྒྱུ་གསུམ་པ་བྱེ་བྲག་ཏུ་བཤད་པ་གཉིས། དང་པོ། དད་དམ་དཀོན་སྙིང་ཞེས་པས་བསྟན། གཉིས་པ་རྒྱུ་གསུམ་པ་བྱེ་བྲག་ཏུ་བཤད་པ་ལ། སངས་རྒྱས་རྗེས་སུ་དྲན་པ། ཆོས༴ དགེ་འདུན༴ གསུམ། དང་པོ། ཐུབ་སྤངས་སྤྱན་སྟོབས། མ་རྣམ་ཞེས་པས་བསྟན། གཉིས་པ་ལ། ཆོས་བརྗོད་བྱ་བདེན་གྱིས་བདེན་གཉིས་ཀྱི་ཆོས་སྤྱིར་བསྟན། བརྗོད་ལུང་གཉེན་ཐབས་གླེགས་ཀྱིས་ལུང་གི་ཆོས་བསྟན། རྟོགས་རིམ་འཕགས་བསྐྱེད་ཀྱིས་ལམ་དང༌། སློབ་རྒྱུ་རྡོ་གང་གིས་ས་སྟེ། རྟོགས་པའི་ཆོས་བསྟན་པ་ལ་གསུམ། གསུམ་པ་དགེ་ཉན་ལ་རང་གིས་བསྟན། དོན་གཉིས་པ་སྐྱབས་འགྲོ་དངོས་བསྟན་པ་ལ། སྐྱབས་ཡུལ། དབྱེ་བ། འགྲོ་ཚུལ། བྱེད་ལས། བསླབ་བྱ། ཕན་ཡོན་དང་དྲུག །དང་པོ། སྐྱབས་ཡུལ་ལམ་ཆོས་གྲོགས་དཀོན་ཞེས་
པ་དྲེགས་བླ་ཞེས་པས་བསྟན། གཉིས་པ་འབྱོར་ཞབས་མཐའ་མཉེས་ཞེས་པས་བསྟན། གསུམ་པ་ཅི་མཛད་ལེགས་པར་མཐོང་བ་ལ་གསུམ། མཛད་འཕགས་གདོལ་ཉམས་ཀྱིས་གྲུབ་པའི་མཛད་སྤྱོད་དྲན་ནས། རང་འཁྲུལ་སྟེ་དགེ་སྟོན་ལེགས་ཀྱིས་ལོག་ལྟའི་ཉེས་དམིགས་དྲན་ནས། གལ་བདག་དུས་ཅང་གིས་ཐབས་མཁས་ཀྱི་དགོངས་གཞི་ཤེས་ནས་ཅི་མཛད་ལེགས་པར་མཐོང་བའོ། །གཉིས་པ་སྤྱོད་ལམ་ཞི་བའི་སྒོ་ནས་བསྟེན་པ་ལ་གསུམ། བླ་བཞུགས་གཤེགས་སྟན་གྱིས་མཛད་སྤྱོད་དུས་དང་བསྟུན་པའི་སྤྱོད་ལམ། སྒོ་རྫུན་གུས་སྤངས་ཀྱིས་རྒྱུན་དུ་དྲུང་ན་གནས་པའི་སྤྱོད་ལམ། བླ་བཤེས་བག་ལྷག་གིས་སྡིག་པའི་གྲོགས་པོ་སྤང་བའི་སྤྱོད་ལམ་བསྟན་པའོ། །བླ་མའི་འཁོར་དང་སྤུན་གྲོགས་ཇི་ལྟར་བརྟེན་པ། འགྲོགས་འཇུག་བཟོད་བླ་ཞེས་པས་བསྟན་ནོ། །གསུམ་པ་ཐ་མར་དགོངས་སྤྱོད་བསླབ་པ་ལ། ཡོན་ཏན་གྱི་རོ་མྱང་བ། སྤྱོད་པ་དོན་མཐུན་པ། དགོངས་པ་དབྱེར་མེད་དུ་བྱ་བ་གསུམ། རྫིང་བུང་རྟག་སྐྱོ་དད་ཅེས་པས་བསྟན། གཉིས་པ་འཇུག་དམག་ངམ་ངག་ངལ་ཞེས་པས་བསྟན། གསུམ་པ་ལ། ཅི་བླ་བསྐྱེད་མདོས་བསྐྱེད་རྫོགས་ཟུང་དུ་འཇུག་པའི་དགོངས་
པ་དབྱེར་མེད་དུ་བྱ་བ་སྒྲུབ་ཕྱོགས་ནས་བསྟན། རྨོངས་དངོས་གནས་སྒྲུབ་མོས་ཀྱིས་མོས་གུས་དཀར་པོ་གཅིག་ཐུབ་ལ་བརྟེན་ནས་ཐུགས་ཡིད་དབྱེར་མེད་དུ་བྱ་བ་དགག་ཕྱོགས་ནས་བསྟན་པའོ། །བཞི་པ་དེ་དག་གི་དོན་བསྡུ་བ་དང་བར་ཐ་སྐྱེས་ཀྱིས་བསྟན་ནོ། །དོན་གཉིས་པ་ལ་བརྟེན་པའི་ཕན་ཡོན་ལ། ཞར་བྱུང་སྡིག་གྲོགས་བརྟེན་པའི་ཉེས་པ་དང༌། དམ་པ་བསྟེན་པའི་ཕན་ཡོན་བསྟན་པ་དངོས་གཉིས། དང་པོ་ལ། གང་བསམ་གཡོ་དམ་ཇིས་སྡིག་གྲོགས་ཀྱི་མཚན་ཉིད། དགེ་བསྟེན་གྱིས་དེ་ལ་བརྟེན་པའི་ཉེས་དམིགས་བསྟན། གཉིས་པ་ལ། དེ་བདེ་རྒྱལ་མངོན་གྱིས་དགེ་བའི་བཤེས་གྲོགས་ལ་བརྟེན་པའི་ཕན་ཡོན་སྤྱིར་བསྟན། ཚོགས་ས་རྣལ་ཐུགས་ཀྱིས་བླ་མའི་རྣལ་འབྱོར་ལ་བརྟེན་ནས་ཚོགས་གཉིས་རྫོགས་པ་བྱེ་བྲག་ཏུ་བཤད། ཚོགས་བསྐལ་བསྐྱེད་སྐད་ཀྱིས་བསྐྱེད་རྫོགས་གཞན་ལས་བླ་མ་བསྒོམ་པ་མཆོག་ཏུ་བསྟན་པ་དང་གསུམ་མོ། །གསུམ་པ་ལེགས་སྨོན་བཤད་པ་ལ་གསུམ་དམ་རྒྱུད་སྟོན་ཐབས། ངེས་འཁོར་བཟང་གིས་ལེགས་སྨོན་ངོས་བཟུང༌། ཆོས་ཀུན་ཆོས་ཆོས་ལེགས་ཀྱིས་ལེགས་སྨོན་གྱི་མི་མཐུན་ཕྱོགས་བསྟན། ཐད་གཉེན་ཤིང་སྣང་རྣམ་གྱིས་ལེགས་སྨོན་གྲུབ་
པས་བསྟན། གཉིས་པ་དབྱེ་བ་ལ་རྒྱུ་འབྲས་ཀྱི་དབྱེ་བ་དང༌། ཀུན་སློང་གི་དབྱེ་བ་གཉིས། དང་པོ་རྒྱུ་འབྲས་ཀྱི་དབྱེ་བ་ལ། དེ་དམད་རྡོས་ངོ་བོའི་དབྱེ་བ་དང༌། རྒྱུ་སྔགས་ཞེས་པས་ཡུལ་གྱི་དབྱེ་བ་བསྟན། གཉིས་པ་ཀུན་སློང་གི་དབྱེ་བ་ལ་གསུམ། ཉི་ཀུན་ངན་གྱིས་ཆུང་བ། འབྲིང་གནས་ཉན་གྱིས་འབྲིང༌། ཆེན་འཁོར་བྱང་བྲལ་གྱིས་ཆེན་པོ་བསྟན་པའོ། །གསུམ་པ་སྐྱབས་སུ་འགྲོ་ཚུལ་ལ་གསུམ། ལམ་ཁམས་པ་མཐའ་བྱས་སྐྱབས་ཡུལ་གྱི་ཡོན་ཏན་དྲན། འདི་རྒྱུད་འཁོར་སྐྱབས་ཀྱིས་སྐྱབས་གནས་གཞན་མེད་པར་བློ་ཐག་བཅད། འཇིགས་གཞན་དཀོན་གྱིས་ཀུན་སློང་མངོན་དུ་བྱས་ནས་སྐྱབས་སུ་འགྲོ་བའོ། །བཞི་པ་སྐྱབས་འགྲོའི་བྱེད་ལས་ལ་གསུམ། ཇི་དཀོན་པ་ནམ་གྱི་སྐྱབས་འགྲོའི་ཡོན་ཏན་སྤྱིར་བསྟན། ནང་སྡིག་ངན་ཕུན་བསོད་ཀྱིས་རྒྱུའི་སྐྱབས་འགྲོའི་བྱེད་ལས། འབྲས་རྣམ་གནས་ཡེས་འབྲས་བུའི་སྐྱབས་འགྲོའི་བྱེད་ལས་བསྟན། ལྔ་པ་བསླབ་བྱ་ལ། བསླབ་བྱ་དངོས་དང༌། གཏོར་འཚམས་བཤད་པ་གཉིས། བསླབ་བྱ་དངོས་ལ་རྒྱུའི་བསླབ་བྱ་དང༌། འབྲས་བུའི་བསླབ་བྱ་གཉིས། དང་པོ། རྒྱུའི་བསླབ་བྱ་ལ། བསླབ་མངའ་སྲོག་དེ་དམ་གྱིས་སྐྱབས་འགྲོ་མི་སྤང་བ། དེ་སྐྱབས་འཁོར་གཞན་གྱིས་དགག་པའི་བསླབ་བྱ། དཀོན་ཉིན་གྱིས་བསྒྲུབ་པའི་བསླབ་བྱ་བསྟན་པ་སྟེ་གསུམ། གཉིས་པ་འབྲས་བུའི་བསླབ་བྱ་བ། འབྲས་བྲལ་སྐྱོབས་འདས་བཞིའི་དང་པོ་གསུམ་གྱིས་བསླབ་བྱ་དང་བཞི་པས་གཏོང་མཚམས་བསྟན་ཏོ། །གཉིས་
པ་རྒྱུའི་སྐྱབས་འགྲོའི་གཏོང་མཚམས་བཤད་པ་ལ། རྒྱུ་འགྲོས་གཏོང་མཚམས་དངོས་དང༌། བསླབ་རྨས་དམན་པར་ལྟུང་བ། ལས་ཚིག་བསླུ་ཡིས་དམན་པར་ལྟུང་བའི་རྒྱུ། འདི་ཡན་དཀོན་ངེས་གྱིས་དེའི་གཉེན་པོ་བསྟན་ཏོ། །དྲུག་པ་ཕན་ཡོན་ནི། རྨི་བག་ཚེ་ལུས་ཀྱིས་བསྟན་ཏོ། །ཡོན་ཏན་སྐྱབས་སུས་ལེའུའི་མཚན་བསྟན་པའོ། །དོན་གཉིས་པ་ལམ་གྱི་དངོས་གཞི་ལ། ལམ་གྱི་གཞུང་ཤིར་སྦས་དོན་ཉེ་ལམ་གསུམ་རྒྱུ་འབྲས་རང་བཞིན་གྱི་ཐེག་པ་གསུམ་དང་སྦྱར་ནས་ཉམས་སུ་བླངས་པ་ལས་དང་པོ་ལམ་གྱི་གཞུང་ཤིང་རྒྱུ་མཚན་ཉིད་ཀྱི་ཐེག་པ་ལྟར་ཉམས་སུ་བླངས་པ་ལ། བློ་སྦྱང་བ། དམ་བཅའ་བ། བསླབ་བྱ་སློབ་པ་སྟེ་གསུམ། དང་པོ་བློ་སྦྱང་བ་ཚད་མེད་བཞིའི་ལེའུ་ལ། ཐེག་ཆེན་ལམ་གྱི་མདོ་དོན་སྟོང་ཉིད་སྙིང་རྗེའི་སྙིང་པོ་ཅན་མདོར་བསྟན་པ། ཐབས་སྙིང་རྗེ་ཆེན་པོའི་ཕྱོགས་རྒྱས་པར་བསྟན་པ། ཕན་པའི་གདམས་ངག་བརྗོད་པས་མཇུག་བསྡུ་བ་དང་གསུམ། དང་པོ་མདོར་བསྟན་ནི། ཐེག་རིགས་སྟོང་ཐེག་ཅེས་པས་བསྟན། །གཉིས་པ་རྒྱས་པར་བཤད་པ་ལ། ཚད་མེད་བཞི་བསྒོམ་པའི་རྒྱུ་མཚན་བཤད་པ་དང༌། ཚད་མེད་བཞི་དངོས་བཤད་པ་དང་གཉིས། དང་པོ་ལ། སྦྱིན་པོ་རྣམ་ཐེབས་ཀྱིས་ཐབས་ཤེས་ཁྱད་པར་ཅན་ཐེག་ཆེན་གྱི་ལམ་དུ་བསྟན། གང་ཤེས་སྦྱོར་སྨོན་གྱིས་ཚད་མེད་བཞི་དེའི་རྒྱུར་བསྟན་པའོ། །གཉིས་པ་ཚད་མེད་བཞི་དངོས་བསྟན་པ་ལ། ཚད་མེད་ཀྱི་དམིགས་རྣམ་བཤད་པ། ཚངས་གནས་བཞི་བཤད་པ། ཚད་
མིད་ཁྱད་པར་ཅན་བཤད་པ། རྩལ་སྦྱོང་དང་གེགས་སེལ་བཤད་པ། དེ་ལྟར་བསྒོམ་པའི་འབྲས་བུ་བཤད་པ་དང་ལྔ། དང་པོ་དམིགས་རྣམ་བཤད་པ་ལ། བྱམས་སྡུག་ལུས་གཞན་གྱིས་བྱམས་པ། སྙིང་བཟོད་འགྲོ་མཐས་སྙིང་རྗེ། དགའ་སྤྲོ་རང་ཕྱིན་གྱིས་དགའ་བ། བཏང་ཕྱོགས་དགྲ་ཕན་གྱིས་བཏང་སྙོམས། རྣམ་ཞེས་པའི་རྐང་པ་གཅིག་གིས་དམིགས་བཅས་དམིགས་མེད་བསྟན་པ་དང་ལྔ། གཉིས་པ་འདོད་འཐར་ཕྱོགས་ཞེས་པས་ཚངས་གནས་བསྟན། གསུམ་པ། འདི་དམིགས་སྣང་རྣམ་བྱང་ཁྱད་ཀྱིས་ཚད་མེད་ཁྱད་པར་ཅན། བཞི་པ་བསྒོམ་དམིགས་ཀྱིས་རྩལ་སྦྱོང༌། འོ་ན་ཉེས་བྱམས་པ། དེ་སྙིང་གིས་བཏང་བསྙོམས། སྙིང་དགས་སྙིང་རྗེ། དགའ་བྱམས་ཀྱིས་དགའ་བའི་གེགས་བསལ་བའོ། །ལྔ་པ་དེ་ལྟར་བསྒོམ་པའི་འབྲས་བུ་ལ། ཐུན་མོང་བ་དང་ཁྱད་པར་ཅན་གཉིས། དང་པོ། ཐུན་མོང་བ་ལ། དེ་འདོད་ཀྱིས་རྣམ་སྨིན། རྒྱུ་མིས་རྒྱུ་མཐུན། དབང་ཞེས་པས་དབང༌། བྱེད་དོན་ཞེས་པས་སྐྱེས་བུ་བྱེད་པ་བསྟན། གཉིས་པ་ཁྱད་པར་ཅན་ལ། བྱམས་ཞེ་བྱམས་མེས་བྱམས་པ། སྙིང་བདག་འདོད་སོར་གྱིས་སྙིང་རྗེ། དགའ་
འབྱོར་བསམ་བྱས་དགའ་བ། བཏང་བ་རྨོངས་ངོས་བཏང་སྙོམས་གྱིས་འབྲས་བུ་ཁྱད་པར་ཅན་བཤད་དེ་རྒྱུའི་དེ་དག་གི་དོན་བསྡུ་བའོ། །གསུམ་པ་གདམས་ངག་བརྗོད་པས་མཇུག་བསྡུ་བ། ལམ་སྟོང་ཐར་རྙོགས་ཞེས་པས་བསྟན། ཡོན་ཏན་ཚད་མེད་ཅེས་པས་ལེའུའི་མཚན་བསྟན་པའོ།། །།