དབྱར་གནས།

༈ དབྱར་གནས་ནི། མཉན་ཡོད་དུ་དགེ་སློང་རྣམས་དབྱར་ལྗོངས་རྒྱུ་བ་ལ་ཕྱི་རོལ་བ་རྣམས་འཕྱ་བ་བསལ་བའི་ཕྱིར་བཅས་ཏེ། དེ་ནི་དབྱར་ཟླ་འབྲིང་པོའི་ཚེས་བཅོ་ལྔ་ལ་གཙུག་ལག་ཁང་ཆག་ཆག་བྱ་བ་ལ་སོགས་སྔོན་དུ་སོང་ནས་གསོལ་བ་དང་གཉིས་ཀྱི་ལས་ཀྱིས་དགེ་སློང་གནས་མལ་གྱི་ཞལ་ཏ་བ་བསྐོས་ཏེ་དེས་ཚུལ་ཤིང་བྲིམ་ནས་གནས་མལ་སྟོབ་པ་དང་ཟླ་བ་ཕྱེད་ཅིང་གནས་མལ་ལ་བརྟགས་པར་བྱ་བ་དང་དགེ་འདུན་ཚོགས་ནས་སྦྱིན་བདག་ཞལ་ཏ་བ་སྤྱོད་

---

^{[མ་དཔེ་གཟིགས་ན་འདིར་གནོན།]}

ཡུལ་གྱི་གྲོང་སོགས་ཀྱང་གོ་བར་བྱ་ཞིང་དགེ་སློང་རྣམས་ཀྱང་ན་བའི་གཡོག་དང་ཆོས་སོགས་ཀྱི་སྐྱབས་ཡོད་པར་ཤེས་ན་དབྱར་གནས་པར་དམ་བཅའོ། །དེ་དམ་བཅས་ནས་དགོས་པ་ཆེན་པོའི་ཕྱིར་ཞག་བདུན་བྱིན་གྱིས་རླབས་ཏེ་འགྲོ་བ་ཙམ་མ་གཏོགས་པ་མཚམས་གྱི་ཕྱི་རོལ་དུ་ཡང་མི་འགྲོ་བས་གནས་པར་བྱ་བ་སོགས་སོ།། །།