ཀོ་ལྤགས་ཀྱི་གཞི།

༈ ཀོ་ལྤགས་ཀྱི་གཞི་ནི། ཡུལ་མཐའ་འཁོབ་དུ་ཀོ་ལྤགས་ཀྱི་གདན་ཀ་ཏྱ་ན་ལ་གནང༌། ཡུལ་དབུས་སུ་ཡང་སྦྱིན་བདག་གི་ཁྱིམ་དུ་གནང་ལ་ཉལ་བ་དང་གཙུག་ལག་ཁང་དུ་མ་གནང་ངོ༌། །ན་བ་དང་རྒན་པ་ལ་ནི་བཞོན་པ་ཡང་གནང་ལ་ལྷྭམ་ཀྱང་རིམ་གཅིག་པ་དང་ཡུ་ཐུང་སོགས་ཀྱང་གནང་ལ་མཐའ་འཁོབ་ཁ་བ་འབབ་པའི་ཡུལ་དུ་ནི་ལྷམ་སྒྲོ་གུ་ཅན་ཡང་གནང་ཤིང་ཆུ་ལ་ནི་རྐྱལ་སྐྱ་དང་རྩིས་བསྐུས་པའི་རྐྱལ་བས་སྐྱལ་བར་གནང་ལ་ལྷམ་རིམ་པ་མང་པོ་ཅན་ཡང་ཁྱིམ་པས་ཅུང་ཟད་ལོངས་སྤྱད་པ་ཕུལ་ན་ནི་བཅང་ཤིང་ལྷམ་དྲུབ་པའི་སྐུད་པ་དང་ཁབ་ཡང་རྗེས་སུ་གནང་ངོ༌།། །།