སྨན་གྱི་གཞི།

༈ སྨན་གྱི་གཞི་ནི། རྒྱལ་བྱེད་ཀྱི་ཚལ་དུ་དགེ་སློང་མང་པོ་ལ་བརྟེན་ནས་སྨན་རྣམ་པ་བཞིར་ཕྱེ་ནས་གནང་སྟེ། དེ་ཡང་དུས་སུ་རུང་བ་དང༌། ཐུན་ཚོད་དུ་རུང་བ་

---

^{[མ་དཔེ་གཟིགས་ན་འདིར་གནོན།]}

དང༌། ཞག་བདུན་པ་དང༌། འཚོ་བའི་བར་དུ་བཅང་བའོ། །དེ་ལ་དུས་སུ་རུང་བ་ནི་འདེ་གུ་དང༌། འབྲས་ཆན་དང༌། ཟན་དྲོན་དང༌། ཤ་དང༌། སྣུམ་ཁུར་རོ། །ཐུན་ཚོད་དུ་རུང་བ་ནི། བཏུང་བ་བརྒྱད་པོ་རྣམས་སོ། །ཞག་བདུན་པ་ནི། ཏིལ་མར་དང༌། བུ་རམ་གྱི་དབུ་བ་དང༌། སྦྲང་རྩི་དང༌། ཤ་ཁ་རའོ། །འཚོ་བའི་བར་དུ་བཅང་བ་ནི་རྩ་བ་དང་སྡོང་བུ་དང་མེ་ཏོག་ལ་སོགས་པའི་སྨན་གྱི་རིགས་ཟས་ཀྱི་དོན་དུ་མི་འགྱུར་བ་རྣམས་སོ། །དེ་དག་ཀྱང་བྱིན་གྱིས་བརླབས་ཏེ་བཅང་བའོ། །གཞན་ཡང་ཚིལ་དང་མིག་སྨན་དང་ཤ་ལ་སོགས་པ་གང་ཡང་ནད་ཀྱི་ཆེད་དུ་ནི་གནང་བ་སྟེ་ནད་མེད་པས་སྤྱད་པར་བྱ་བ་ནི་མ་ཡིན་ནོ།། །།