གསོ་སྦྱོངས་གཞག་པའི་གཞི།
༈ གསོ་སྦྱོངས་གཞག་པའི་གཞི་ནི། གང་ན་དགེ་སློང་གི་དགེ་འདུན་ཡོངས་སུ་དག་ནས་དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་འདོན་པར་བྱ་བ་ལས་དེས་དགེ་སློང་གི་འཁོར་མ་དག་པ་མཐོང་ན་དེ་ལ་ལྐོག་ཏུ་གླེང་བར་བྱ་ཞིང་མི་དྲན་ནོ་ཟེར་ན་དྲན་པར་བྱ་ཞིང་དྲན་ནས་ཆོས་བཞིན་དུ་ཕྱིར་བཅོས་བགྱིད་ན་ལེགས་པར་གསོ་སྦྱོངས་བྱ་ཞིང་གལ་ཏེ་ཁྲོ་བར་བགྱིད་ན་དེ་ལ་སྐབས་འབྱེད་དུ་བཅུག་འོན་ཀྱང་གཞན་དུ་སྒྱུར་བར་བྱེད་ན་མི་སྨྲ་བར་གཞུག་གོ །དེས་ཀྱང་མ་བཏུབ་ན་གསོ་སྦྱོངས་དང་དགགས་དབྱེ་གཞག་པར་བྱའོ། །དེ་ཡང་ཚུལ་ཁྲིམས་དང་ལྟ་བ་ཉམས་པ་དང༌། བསླབ་པ་སྤོང་བ་ལ་སོགས་པའི་ཉེས་པ་དགེ་སློང་དེར་ཡོད་བཞིན་དུ་དེ་གླེང་བ་ན་ཁྲོ་བ་དང༌། གཞན་དུ་སྒྱུར་བ་ལ་སོགས་བྱེད་ནས་གསོ་སྦྱོངས་གཞག་པ་བྱས་ན་ནི་ཆོས་བཞིན་དུ་གསོ་སྦྱོངས་གཞག་པ་བྱས་པ་ཡིན་གྱི་དགེ་སློང་དེ་ཉེས་པ་བྱས་པ་མེད་བཞིན་དུ་གླེང་ཞིང་གསོ་སྦྱོངས་གཞག་པ་བྱས་ན་ནི་ཆོས་མ་ཡིན་པར་གསོ་སྦྱོངས་གཞག་པ་བྱས་པ་ཡིན་ནོ།། །།