གནས་མལ་གྱི་གཞི།
༈ གནས་མལ་གྱི་གཞི་ནི། ཝཱ་རཱ་ཎ་སཱིར་ལྔ་སྡེ་ལ་ཁྱིམ་བདག་དགེ་བཟང་ཀྱི་ཆེད་དུ་གནང་སྟེ། དེ་ཡང་དགེ་འདུན་གྱི་གཙུག་
ལག་བརྩིགས་པ་སྟེ། དེ་ཡང་དབུས་སུ་དྲི་གཙང་ཁང་དང༌། དེའི་གཡས་གཡོན་དུ་གནས་ཁང་གཉིས་བྱ་ལ། དེ་བཞིན་གནས་ཁང་དགུ་ལ་སོགས་པ་བྱའོ། །དེ་ཡང་དགེ་སློང་གི་གཙུག་ལག་ཁང་ནི་ལྔ་རྩེག །དྲི་གཙང་ཁང་ནི་བདུན་རྩེག །སྒོ་ཁང་སྟེང་གི་བསིལ་ཁང་ཡང་བདུན་རྩེག་ཏུ་བྱ་ལ། དགེ་སློང་མའི་གཙུག་ལག་ཁང་ནི་སུམ་རྩེག །དྲི་གཙང་ཁང་ནི་ལྔ་རྩེག་སྒོ་ཁང་གི་སྟེང་གི་བསིལ་ཁང་ཡང་ལྔ་རྩེག་ཏུ་བྱའོ། །དེ་ནས་གནས་མལ་འབོག་པའི་དགེ་སློང་དག་བསྐོ་ཞིང་དེས་ཀྱང་རྒན་རིམ་བཞིན་གྱི་གནས་ཁང་བསྐོ་བར་བྱ་སྟེ། དེ་དག་གིས་ཀྱང་ཆག་ཆག་དང་ཕྱག་དར་བྱེད་པ་ལ་སོགས་པས་ལེགས་པར་སྤྱད་དོ། །གལ་ཏེ་གནས་ཁང་མང་ཤིང་དགེ་སློང་ཉུང་བར་གྱུར་ན་ནི་དགེ་སློང་རེ་རེ་ལ་གནས་ཁང་མང་པོ་དག་ཕོག་སྟེ་དེ་དག་ཁ་ཅིག་ཏུ་ནི་སྔ་གྲོ། ཁ་ཅིག་ཏུ་ནི་ཕྱི་དྲོ་ལ་སོགས་པ་གནས་ཤིང་ཕྱག་དར་སོགས་བགྱིད་ལ་དགེ་སློང་མང་ཤིང་གནས་ཁང་ཉུང་བར་གྱུར་ན་ནི་རེ་རེ་ཡང་བགོ་བར་བྱ་ལ་དེ་ལ་སོགས་པའོ།། །།