ཟག་མེད་ཀྱི་བསམ་གཏན།
༈ དྲུག་པ་ཟག་མེད་ཀྱི་བསམ་གཏན་ནི། མངོན་པ་འོག་མ་ལྟར་ན་སྲིད་རྩེ་མ་གཏོགས་བདུན། དང་པོའི་དངོས་གཞི་ཙམ་པོ་ཉེར་ལྡོག་དང་དགུ། གོང་མ་ལྟར་ན། བསམ་གཏན་ས་དྲུག་གཟུགས་མེད་བཞི་སྟེ་དགུའམ་བཅུའོ། །བསམ་གཏན་ས་དྲུག་ནི། དང་པོའི་ཉེར་ལྡོག །དངོས་གཞི་ཙམ་ཁྱད་གཉིས། ལྷག་མ་གསུམ་དང་དྲུག་གོ །ཚད་ནི་འདི་དག་རབ་འབྲིང་ཐ་མར་སྒོམ་པས་བསམ་གཟུགས་ཀྱི་གནས་རྣམས་སུ་སྐྱེ་བའོ། །མིང་གི་རྣམས་གྲངས་ནི་བྱང་ཆུབ་སེམས་དཔའ་རྣམས་ཀྱི་བསམ་གཏན་དང་པོ་ལ་གཏོང་བའི་ཏིང་འཛིན་ཇི་སྙེད་ཀྱི་མིང་ཡང་ཉན་རང་རྣམས་ཀྱིས་མི་ཤེས་པའོ། །དེ་ཡང་ཉན་ཐོས་རྣམས་ནི་ཞི་གནས་ཤེས་ཆེ་ཞིང༌། ལྷག་མཐོང་ཤེས་ཆུང་བས་མཁྱེན་པ་རྒྱ་ཆུང་ལ་བྱང་སེམས་རྣམས་ལྷག་མཐོང་ཤེས་ཆེ་བས་འབྲིང་
― ZP02_Page_539 ―
[མ་དཔེ་གཟིགས་ན་འདིར་གནོན།]
དང༌། རྫོགས་པའི་སངས་རྒྱས་རྣམས་ཞི་ལྷག་ཆ་མཉམ་པས་རྣམ་པ་ཐམས་ཅད་མཁྱེན་པའི་ཡེ་ཤེས་ཕྱོགས་མེད་དུ་རྒྱས་པའོ།། །།ཨོ་རྒྱན་འཇིགས་མེད་ཆོས་ཀྱི་དབང་པོས་བྲིས་པའོ།། །།